Pas një videoja të bërë virale, ku kryetari i Bashkisë së Kukësit Safet Gjici, shfaqet duke kryer marrëdhënie seksuale në zyrën e tij me një vajzë të re, ka reaguar edhe vetë Gjici, i cili përmes një deklaratë në fejsbuk, ka njoftuar edhe dorëheqjen e tij, duke deklaruar se ka kohë që ka marrëdhënie intime me atë vajzë, por se nuk ka justifikim për atë që ka ndodhur, ndaj jep dorëheqjen.
“Ndjesë të thellë publike çdokujt që sot ka parë atë material të shëmtuar video”, shkruan Gjici në statusin e tij. “Pas një fushate dhe përballjeje jo të lehtë me kundërshtarët e mi, pas të cilës rezultova fitues, fatkeqësisht unë rash pre e një kurthi të përgatitur me detaje nga e njëjta dorë njerëzish me të cilët u përballa në zgjedhje. Ja arritën ta bëjnë në një formë tjetër të pistë atë që se bënë dot me votën e kuksianëve.
Jam shumë i keqardhur për ngjarjen dhe jam mëse i qartë se në këtë situatë nuk ka vlerë asnjë lloj sqarimi. Prej disa kohësh unë kam një marrëdhënie intime me vajzën në fjalë por sigurisht nuk kam asnjë justifikim për atë çka ka ndodhur pavarërisht se i rënë në kurth.
Nuk mund të jem më unë njeriu që punon në atë zyrë shteti pasi e kam tradhëtuar besimin e atyre mijëra njerëzve që besuan e punuan me mua për ta bërë Kukësin një qytet gjithnjë e më të mirë.
Ndjesë të gjithëve dhe mirënjohje gjithë jeten kujtdo më besoi dhe mbështeti. Ishte nderi i jetës time që u njollos nga një mendjelehtësi e pafalshme ndaj sot ndjej detyrimin minimal të jap dorëheqjen! Zoti ju bekoftë të gjithëve!”.
