Ashley St. Clair, një aktiviste amerikane e afërt me botën Maga, ka paditur manjatin për t’iu nënshtruar një testi të atësisë. Për kreun e DOGE, ky do të ishte trashëgimtari i trembëdhjetë.
Ashley St. Clair, një influencere e krahut të djathtë pranë botës Maga (lëvizja që mbështet Donald Trump), i ka shpallur luftë Elon Musk, duke e akuzuar publikisht manjatin se nuk i ka njohur fëmijën që kanë ngjizur së bashku. Dhe kështu, jo vetëm që ajo njofton se po e padit për t’i kërkuar testin e ADN-së, por publikon edhe bisedat e tyre private, që konfirmojnë marrëdhënien mes të dyve.
Marrëdhënia – Nga mediat botërore raportohet se marrëdhënia e tyre filloi në maj tw 2023-it. Ashley pretendon se e ka ngjizur fëmijën në ishullin St. Barths, e se nuk ka kryer marrëdhënie seksuale me askënd tjetër gjatë asaj kohe. Musk, sipas tij, e ka parë fëmijën vetëm tre herë: e para më 21 shtator në apartamentin ku jeton gruaja pranë Bashkisë, herën tjetër të nesërmen dhe herën e tretë në Austin të Teksasit. Musk nuk ishte i pranishëm në lindje dhe as nuk shfaqi interes për të marrë kujdestarinë.
Betejat ligjore – Influencerja tashmë e ka paditur Musk, e ta ketë vetw nw kujdestari fëmijën. Në një kërkesë drejtuar Gjykatës së Lartë të Nju Jorkut, Ashley, e cila është 26 vjeçe, pretendon se manjati i Tesla, Space X dhe X, nuk kishte asnjë rol prindëror në pesë muajt e parë të jetës së fëmijës. Tani ajo ka ngritur një padi të dytë për t’ia nënshtruar Muskun një testi atësise, pasi “babai i fëmijës ende nuk është përcaktuar ligjërisht”. Ky veprim i dytë ligjor, shoqërohet me një foto që tregon Elon duke mbajtur atë që, sipas Ashley, do të ishte fëmija i tij i trembëdhjetë.
Foshnja tregohet në dokumentet gjyqësore vetëm me inicialet RSC. Avokatët e gruas pohojnë se përpjekjet për ta zgjidhur çështjen e atësisë në mënyrë miqësore, kanë qenë të pasuksesshme.
