Përmes batutave me deputetët edhe për krerët respektivë të partive, ka vazhduar përgjatë gjithë mbrëmjes dëshmia e kreut të qeverisë Rama përpara Komisionit të Hetimit të Inceneratorëve. Në fjalën e tij Rama sqaroi se qeveria e tij nuk kishte ndërtuar inceneratorë, por impiante të trajtimit të mbetjeve e se prokuroria duhet të vazhdonte hetimet për të dënuar këdo që mund të kishte abuzuar me detyrën.
Nuk kemi ndërtuar inceneratorë, ne kemi ndërtuar impiante të trajtimit të mbetjee, të cilët janë impiante që prodhojnë energji, tha Rama drejtuar demokratit Blend Këllici. Une mendoj që ky është një revolucion që ju nuk e ndalni dot, as me komisione, as me ballona që ngjiten lart e lart e shpohen. Prokuroria nuk duhet të ketë asnjë kujdes, prokuroria duhet të hetojë dhe kushdo qoftëqë ndërkohë mund të ketë bërë cfarëdo qoftë për të përfituar të përgjigjet. S’ka këtu, janë të ndara gjërat, këto gjera janë të ndara, dhe këto nuk u ndanë sot. Janë të ndara në ditën që ministrat e mi marrin dekretet: “Karrigen ku je ulur, e ke nga unë, detyrën do ta mbash vetë”. Secili e di punën, secili e di detyrën, unë jam këtu për të udhehequr dhe pastruar Shqipërinë. Të nxjerrësh lek nga plehërat është krim, kush e ka bërë… në këtë pikë… Unë di të them që me të gjithë ministrat e mi, përfshi dhe lefter kokën, unë kam punuar dhe nga i gjithë bashkëpunimi me Lefter Kokën, as më ka folur për lekë, as ka dëgjuar nga unë, përvecëse të bëhet puna.
