BRICJAPI
Ndiheni si të shtrënguar e të detyruar, si t’ju kenë lidhur me këmishë force. Mos u frikësoni: ngarkesa e përgjegjësisë që ju ka shtrënguar si darë këtë 2020, ka nisur të bëhet më e lehtë. Këtë javë do ndjeni si kurrë më parë ndikimin e ngrohtë të Venusit, në sekstil nga shenja mike e Akrepit. Lëreni t’ju përkëdhelë, e meritoni! Tri vite të shkuara në shoqërinë e rreptë të Saturnit, padyshim nuk janë shaka, as për një shenjë pragmatike si puna juaj. Ajri i ndryshimit po vjen edhe për pjesën tuaj të qiellit. Qysh javës që vjen, do nisin të shquhen elementët e parë të një fillimi të ri. Nëse ju thonë që me ikjen e Saturnit gjërat do ju shkojnë vaj, ju gënjejnë. Por për një gjë të jeni të sigurt. Gjithçka do kalojë më shpejt.
UJORI
2020-a po shkon drejt fundit. Madje, më thënë të vërtetën, për ju, cikli i ri këtë vit, astrologjikisht të themi, do nisë më parë se 31 dhjetor-1 janari i famshëm. Pas muaj pritjesh dhe reflektimesh, pas gjysmës së dytë të dhjetorit, nis kthesa e madhe që do të marrë udhë në datën 21, me bashkimin e Jupiter-Saturnit pikërisht në pjesën tuaj të qiellit. Që prej këtij momenti e më pas, gjërat për t’u bërë do jenë shumë. Kështu shijojeni këtë periudhë të fundit pritjeje, duke karrikuar energjitë. Dielli dhe Mërkuri në tranzit në shenjën mike të Shigjetarit, ju mbushin me grintë, qartësi psikologjike dhe aftësi komunikative. Edhe në dashuri zhvillimet janë pranë: së shpejti Venusi hyn në Shigjetar, dhe prej andej e përkëdhel shenjën tuaj me një rreze të ngrohtë e të kënaqshme. Vetëm duroni dhe pak!
PESHQIT
Javë tejet e veçantë për ju miq të Peshqëve. Venusi në trekëndësh nga shenja e Akrepit, vazhdon të punojë për ju, duke ju përkundur mes pasionit dhe ndjenjës. Në fundjavë, ylli i dashurisë hyn në sekstil me Jupiterin, yllin e bollëkut, por edhe të qendrueshmërisë dhe familjes. Ju ndjeni një dëshirë e fortë për të ndenjur në shtëpi, por edhe një dëshirë e madhe për ndryshim. Yjet që ju enden mbi krye, janë të duhurit për të realizuar të dyja dëshirat. Dielli dhe Mërkuri, në kuadraturë nga shenja e Shigjetarit, mund t’ju krijojnë ndonjë keqkuptim, ose t’ua bëjnë të vështirë fluksin e komunikimit, por mendon Venusi si t’i sistemojë gjërat. Ajo që fjalët s’do të dinë ta transmetojnë dot, do ta përcjellë një përqafim i sinqertë dhe, pse jo, edhe një natë pasioni.
