Ndryshime ekuilibrash energjie, të dashur miq të horoskopit javor. Përgjatë kësaj jave, dhe më saktë në 4 mars, Marsi largohet prej shenjës së Demit për të hyrë në atë të Binjakëve, gjë që do të sjellë një rënie të dukshme të tensioneve, ngaqë planeti i kuq nuk do jetë më në kundërshti me Mërkurin, Saturnin dhe Jupiterin tek Ujori, por do të hyjë në aleancë me të trija ato. E tëra kjo do t’ju japë një forcë të madhe shenjave të Ajrit, sepse si shenja e Binjakëve, ashtu edhe ajo e Ujorit, i përkasin këtij elementi.
Më pak të zjarrshëm shenjat e Tokës, të cilat, duke humbur Marsin në Dem, tani mund të mbështeten vetëm tek Urani në të njëjtën shenjë dhe tek Plutoni në Bricjap.
Të qendrueshme shenjat e Ujit, të ndriçuara ende nga Neptuni, Venusi dhe Dielli tek Peshqit.
Ende në pritje shenjat e Zjarrit, të pambështetura akoma prej ndonjë trupi qiellor të sistemit tonë diellor.
Shohim si i ndikon ky ndryshim shenjat.
Dashi: nga 4 marsi do gjeni tërë forcën dhe fuqinë tuaj luftarake. Në punë, erë e mbarë. Mërkuri, Saturni dhe Jupiteri, në sekstil nga shenja e Ujorit, vazhdojnë t’ju shtrojnë udhën.
Demi: Me ikjen e Marsit nga shenja, ju ikën një pjesë e grintës. Sektori i ndjenjave për mrekulli, falë Venusit, Diellit dhe Neptunit, në pozicion të favorshëm nga shenja e Peshqve. Sa i takon punës, ju duhet të sforcoheni ende. Mërkuri, Jupiteri dhe Saturni nga shenja e Ujorit, nuk ju ndihmojnë dhe aq për të arritur gjithcka e menjëherë.
Binjakët: Sapo keni lënë pas një javë të rëndë, por me hyrjen e Marsit në pjesën tuaj të qiellit, do t’ju rikthehet dëshira për të vepruar sërish. Në dashuri ka gjasa ta humbisni paksa durimin, nëse partneri përhumbet në gjëra pa bereqet. Puna shumë mirë. Me Marsin në shenjë, dhe Mërkurin, Jupiterin e Saturnin në trekëndësh nga shenja e Ujorit, i kini të hapur të tëra dyert.
Gaforrja: Largimi i Marsit nga shenja e Demit drejt asaj të Binjakëve, mund t’jua ndikojë goxha ekuilibrin e energjive. Në ditët e kalimit, mund të ndiheni të lodhur. Mos u trembni. Çlodhuni. Pas fundjavës, energjitë do kthehen në harmoninë e duhur, dhe ju do mund të vazhdoni më së miri me projektet tuaja.
Luani: Lehtësim i madh për ju. Pas tri muajve kaluar me tërë planetet tranzit, tani kini një aleat, Marsin tek Binjakët. Jeni shenjë ë Zjarrit dhe zjarri që të ushqehet ka nevojë për oksigjen. Marsi tek një shenjë e Ajrit ua jep të gjithën këtë. Më në fund, do kini fuqi për t’ju futur punës, e për t’í vnënë gjoksin sfidave që ju sjell 2021-i. Forca! Yjet ju buzëqeshin.
Virgjëresha Me një qiell si i juaji, nuk do qe për t’u habitur nëse përfshiheni nga dëshira për të revolucionarizuar shtëpinë, e për t’u marrë me trupin. Mos hezitoni ta bëni, vetëm kujdes: me ngadalë, e hap pas hapi. Planeti i kuq largohet nga Demi, shenja juaj mike, dhe shkon tek Binjakët, kështu që bëni mirë të menaxhoni fuqitë.
Peshorja: këtyre ditëve, përveçse të vazhdoni dhe besoni tek ndihma e pakushtëzuar e Saturnit, Jupiterit dhe Mërkurit, në trekëndësh nga shenja e Ujorit, do nisni të shijoni edhe rrezen e forte e energjike të Marsit, në trekëndësh nga shenja e Binjakëve. Këshillë: Bëni kujdes me financat. Dashuria me dritëhije.
Akrepi: Edhe për ju, si për tërë shenjat e Kryqit Kardinal, kjo javë paraqet një pikë kthese pozitive. Marsi më në fund largohet nga Demi, dhe për ju rikthehen si energjitë, ashtu dhe erosi. Kjo javë tejet e veçantë për dashurinë, në të gjitha format e saj. Koha të ngrini dolli!
Shigjetari: Jeni paksa të lodhur, e ndoshta edhe të shkurajuar disi, por për fat, këtë javë që vjen, situata mund të nisë e ndryshojë. Për momentin, qielli ju këshillon t’i fokusoni energjitë tek puna e t’i lini mënjanë çështjet e zemrës.
Bricjapi: Një javë padyshim vendimtare për ju. I vetmi ndryshim për t’u theksuar është dalja e Marsit nga shenja mike e Demit, por kjo sjell vetëm një ndryshim në energjitë tuaja, e pikërisht në sektorin që ka të bëjë me erosin, pasionin dhe luftimin. Me pakësimin e energjisë në këto anë, ktheheni në natyrën tuaj të vërtetë, në njerëz që mendoheni mirë përpara se të veproni, në njerëz që e duan qendrueshmërinë më shumë se aventurën.
Ujori: kjo javë hapet me lajme të mira. Më në fund Marsi nga shenja antipatike e Demit nuk ju krijon më probleme. Kalimi i tij në shenjën e Binjakëve, do të thotë që tani keni më shumë energji për të investuar në projektet tuaja. Edhe nga pikpamja dashurore, ky kalim është favorizues. Sharmi ju bëhet më fuqishëm dhe qielli ju premton ditë e netë pasionante.
Peshqit: Java më e vështirë e këtij 2021 më në fund mbaroi. Të pasurit e Hënës kundër, nuk është e lehtë për njerëz të ndjeshëm si puna juaj. Por, kaloi, dhe ka ardhur momenti të shihni përtej. E vetmja gjë që ju këshillon qielli, është të mos lodheni shumë dhe t’i përllogarisni mirë energjitë. Nga kjo javë e tutje nuk e kini më Marsin që t’ju japë mbështetjen që ju jepte, madje, mund t’ju krijojë edhe ndonjë vështirësi, duke ju bërë të ndiheni të lodhur.
