Dashi
A e morët ndopak veten? Me gjasa po. Për nga natyra jeni tepër veprues dhe ju mjafton shumë pak për t’u përshtatur me ekuilibrat e rinj. Të boshatisur nga energjia frenetike e Marsit, tani jeni më tepër tek frekuencat që lidhen me mendimin, dhe kjo, falë Mërkurit që ju ndriçon nga sekstili i shenjës së Ujorit, shoqëruar nga rrezatimi dashamirës e i fuqishëm i Saturnit dhe Jupiterit. Nëse mund t’i lejoni vetes një ditë pushim, mirë do ishte data 13. Në këtë datë, Hëna e Re lind në shenjën e Bricjapit, dhe për ju ky do jetë një moment stresi. Mënyra më e mirë për të kompesuar energjitë e rënda, për një shenjë aktive si ju, është t’i dedikoheni disi argëtimit. Pra, nëse mundeni, në datë 13 shkëpusni prizën. Pjesa tjetër e javës s’paraqet pengesa të veçanta. Venusi mund t’ju habisë me ndonjë dyshim të vogël, ashtu në kuadraturë siç është nga shenja e Mërkurit, por ju, falë Mërkurit në anën juaj, do dini si t’i përgjigjeni.
Demi
Përpara kini një tjetër javë që ju thërret të jeni protagonist. Një prej ngjarjeve astrologjike të këtij fillim 2021-shi, do zgjedhë pikërisht hapësirën tuaj qiellore t’u kryer. Këtyre ditëve, aty do shohim tek shkëmbehen rrezet e Marsit dhe të Uranit, me ato të Jupiterit e Saturnit, tranzit në shenjën jo dhe aq mike të Ujorit. Është e kotë merrni vesh që kjo përplasje energjish do t’ju bezdisë. Tek ju pulson aktualisht një energji fortë, që ju shtyn të veproni pa u menduar gjatë, ndërkohë që Jupiteri me Saturnin përpiqen, me hir a pahir, t’ju nxisin të mendoheni përpara se të veproni. Nëse sektori i punës ju bën disi nervozë, nuk vlen e njëjta gjë edhe për qiellin e dashurisë, të mbështetur siç jeni nga një Venus i mrekullueshëm në trekëndësh nga shenja e Bricjapit, ndriçuar më datë 13 edhe prej magjisë së Hënës së re, që do të lind po në të njëjtën shenjë.
Binjakët
Koha e shpërblimit erdhi. Me Festat e Krishtlindjeve, për ju mori fund një cikël tejet i rëndësishëm, por edhe disi i rëndë. Trekëndëshi (gjë tejet e favorshme) i tri planeteve nga shenja e Ujoirt, tani ju mbështet më së miri. Ka ardhur koha të vini baza të reja, të ndërtoni. Për shumë nga ju, gjatë kësaj periudhe, do hidhen bazat e një ngrehine që do rritet për tri vitet në vijim. Me Saturnin që drejton punët, të jeni të sigurt që kjo do jetë një strehë e sigurt, dhe me Jupiterin që financon, pak po e sigurt, nuk do kini probleme të ardhurash. Mërkuri, edhe ai në trekëndësh nga Ujori, do ju japë ide fitimtare, e po ashtu dhe atë grimcë entuziazmi dhe fati, që nevojiten me se s’bën për të kryer punë të mbara. S’duhet të bëni gjë tjetër, përveçse të përvishni mëngët dhe… t’i futeni punës.
Gaforrja
Hëna e re e këtyre ditëve do lindë në hapësirën e qiellit që ndodhet fiks përballë jush, dhe duket sikur dëgjoheni tek thoni: o Zot, po tani ç’do më ngjajë! Do ngjajë që Zonja e Bardhë do t’ju ftojë me hir a me pahir të uleni me këmbë në tokë. Sidomos në dashuri, do t’ju kërkohet një qasje më pak ëndërrimtare dhe shumë më konkrete. Mërkuri i sjellshëm, tranzit nga shenja e Ujorit, do t’ju bëjë t’i shihni gjërat nga një tjetër optikë. Në punë, atë kapshmërinë plus që kërkojnë kohërat, do ta keni falë grintës që ju jep Urani me Marsin, në sekstil nga shenja e Demit.
Luani
Lejojani vetes të gjitha, vetëm përplasjen e kokës jo! Qielli i kësaj jave, ju fton të bëni kujdesin maksimal. Marsi dhe Urani janë në kundërshti nga shenja e Demit. Mërkuri, Jupiteri dhe Saturni, ju ngacmojnë nga shenja e kundërt e Ujorit. Çfarëdo vendimi nën këtë qiell, duhet ta mendoni me shumë kujdes. Mërkuri disonant, mund t’ua ngatërrojë realitetin dhe t’ua shfaqë gjërat ndryshe nga ç’janë në të vërtetë. Bëhet fjalë thjesht të rrini e të ndaleni një çast, sepse nga java që vjen e tutje, qielli do t’ju ofrojë ca më tepër mbështetje. Kështu, këshilla e yjeve është ajo e të mbajturit nën mbikqyrje rebelimin e shpirtrave vetëm për pak.
Virgjëresha
Qielli i fillimjanarit ju ka bërë të fantazoni, por tani është koha të ktheheni në natyrën tuaj të vërtetë, në atë të krijesave të kujdesshme e racionale. Festat mbaruan dhe për ju ka ardhur momenti t’i viheni punës. E sigurt që me Uranin dhe Marsin në trekëndësh nga shenja e Demit, energjitë nuk ju mungojnë. Veç këtyre, përveç Diellit, Venusit dhe Plutonit, në datë 13 do keni edhe rrezen e Hënës së re në trekëndësh nga shenja e Bricjapit. Dhe ky është sfondi i duhur për fillime të reja. Nëse doni të ndryshoni kurs apo të ndryshoni thellësisht ndonjë aspekt të jetës suaj, ky është momenti për ta bërë.
Peshorja
Mbi qiellin tuaj ndrin një dritë e mrekullueshme. Është drita e Mërkurit, yllit të mendimit fitimtar dhe komunikimit. Pas sikleteve dhe lodhjeve që ju dhanë Jupiteri e Saturni në kuadraturë nga Bricjapi, tani mund t’ia lejoni vetes ndonjë tekë me tepër. Mos u frenoni. Nëse keni qejf ta tepëroni, bëjeni. Kur qielli ju ndrin, përse të mos e bëni dhe ju? E nëse ndokujt mund t’i dukeni disi eksentrik, durim… s’mund t’i kënaqim të tërë. Edhe në dashuri këshilla është ajo e të jetuarit pa vramendje. Hëna e re e datës 13, përkrah Venusit tek Bricjapi, mund t’ju sjellë ndonjë re në dashuri. Mos kini frikë. Bëhet fjalë për re të bardha, nga ato që nuk sjellin shi.
Akrepi
Solstiku i Dimrit kaloi. Netët janë ende të gjata. Të gjata dhe të ngarkuara me pasion. Dhe s’mund të jetë ndryshe me një Venus krahë për krah me Hënën e re tek Plutoni, në shenjën mike të Bricjapit. Fat për ata që nuk janë të detyruar ta vënë zilen për të shkuar në punë herët, se netët tuaja do jenë kaq të plot, saqë do kini nevojë për ndonjë orë më tepër pushim. Pjesa tjetër pastaj vazhdon si më parë. Marsi dhe Urani në kundërshti nga shenja e Demit, dhe Mërkuri, Jupiteri dhe Saturni në kuadraturë nga shenja e Ujorit, mund t’ju sjellin ca nervozizëm në familje. Nëse mundeni, mos e zgjasni. Por edhe nëse e bëni, vihuni një herë në pozicionin e tjetrit përpara se ta bëni.
Shigjetari
Kjo karantinë e stërgjatur i ka vënë në provë të gjithë, por për ju miq të Shigjetarit, që i doni kaq shumë zbulimet e horizonteve të reja, paraqet padyshim një provë të vështirë. Duke parë qiellin tuaj të kësa jave, mirë do ishte ta shihnit gotën gjysmë plotë. Në këtë çast, me Hënën e re që lind tek Bricjapi, jeni i ftuar të rrini me këmbë në tokë dhe t’i përdorni tërë energjitë tuaja për të zgjidhur probleme praktike, të cilat në të kundërt, të hutuar prej ndonjë gjëje tjetër, nuk do t’i zgjidhnit dot. Saturni, Jupiteri dhe Mërkuri në sekstil nga shenja e Ujorit, do t’ua bëjnë gjërat më të lehta. Me t’u vënë puna përpara, do kini kohë – e sidomos energji – edhe për argëtimin.
Bricjapi
Si ndiheni kur i kini tërë yjet në favorin tuaj? Nuk jeni shenjë që entuziazmoheni shumë, por ndonjë buzagaz të vogël edhe mund ta jepni hera-herës. Data 13 do jetë për zodiakun një datë vërtet speciale: Hëna e re lind aty, në shtëpinë tuaj, dhe ju do jeni protagonistët kryesorë të një ngjarjeje që, si në qiell, si në tokë, shenjon fillimin e një cikli të ri. Çlodhuni dhe shijojeni më tepër jetën. Sot, qielli juaj sundohet nga një Venus dhe një Hënë vërtet joshëse… që s’ka të bëjë aspak më Saturnin vetullngrysur, që caktoi ritmet tuaja në 2020-n
Ujori
Gjithçka ndryshon miq të shtrenjtë të Ujorit dhe ju në këtë çast historik jeni protagonistë të padiskutueshëm të që qielli që rinovohet. Mërkuri, Saturni dhe Jupiteri, vazhdojnë t’ju japin forcë dhe optimizën, dhe energjia e tyre sa do vijë e do bëhet më e fortë. Dëshira juaj për të vepruar, mund të përplaset në fundjavë me nervozizmin që provokon kuadratura e Marsit dhe Uranit në Dem. Ndaj, merrni frymë thellë. Kujt ju lë dorashën e duelit, përgjigjiuni me artin e diplomacisë. Jeni mjeshtra në këtë fushë, kështu që, në çdo betejë, do rezultoni fitimtarë.
Peshqit
Hëna e re rilind tek Bricjapi, pranë një Venusi vërtet mahnitës. Kjo do të thotë që kjo javë do t’ju japë tërë energjitë e duhura, për të zgjidhur një çështje që e kini përzemër e që, – bashkëpunëtor në këtë pikë edhe një Neptun që ju bën tejet introspektivë – mund t’ju ketë rënduar disi dhjetë ditët e para të vitit. Për nga natyra jeni filozofë dhe Hëna e re do t’ju japë forcë ta shndërroni teorinë në praktikë. Në këtë moment s’kini asnjë yll në disfavor, ndaj largojini melankolitë e trishtimet, dhe vijuni punës. Qiell i mrekullueshëm për dashurnë. Venusi, Marsi dhe Plutoni favorizues, ju bëjnë të parezistueshëm.
