Në cilësinë e dëshmitarit në Komisionin Hetimor për Inceneratorët, qe thirrur ditën e djeshme në Kuvend edhe Sekretari i Përgjithshëm i Këshillit të Ministrave, Ëngjëll Agaçi.
Përgjatë debatit me kryetaren e këtij Komisioni Hetimor, Jorida Tabakun, për miratimin paraprak të financimeve për inceneratorin e Elbasanit, Agaçi i ka tërhequr vëmendjen Tabakut, duke i kujtuar se në asnjë vend të botës, nuk komentoheshin apo interpretoheshin dëshmitë e dëshmitarëve.
Në aspektin procedural, sa i takon këtij komisioni, nuk është korrekte, që pas pyetjes dhe përgjigjes së dëshmitarit, në asnjë vend, dhe unë e kam ushtruar këtë profesion në gjykata të nderuara në vendet e BE, nuk mund të komentohen, ose padashje ndoshta të keq interpretohen, dëshmitë e dëshmitarit, tha Agaçi. Unë do t’ju lutesha, jam këtu, dhe e thashë jam shumë I lumtur, sepse e thashë është hera e parë, ndryshe nga të gjithë ju, që keni mundësi të komunikoni me publikun dhe kjo është për funksion të detyrës sime, dhe kam shumë interes që t’I themi të vërtetat e të mos i shtrembërojmë ato. E vërteta, është kjo: Unë nuk thashë që vendimi nuk ka pasur bazë ligjore, unë nuk thashë që tek vendimi 907 mungon vendimi paraprak i ministrisë së Financave. E nderuara zonja kryetare, në rastet e financimit të kontratave, detyrimi ligjor që ka këshilli i ministrave, është I vetmi detyrim ligjor, të miratojë me vendim të këshillit të ministrave, vetëm në ato raste kur Ministria e Financave sjell miratimin paraprak për financimin e saj, Në momentin që ky kush plotësohet… është tagër i MInistrisë së Financave gjithë vlerësimet e tjera. Unë vlerësoj në pozicionin e sekretarit dhe Këshilli I ministrave, kriteret ligjore që kërkohen për miratimin e një e projektvendimi që paraqitet për shqyrtim. Dhe në këtë rast, e konfirmoj, vendimi për sigurimin e financimit, kishte mendimin pro paraprak të ministrisë së Financave dhe ishte me një bazë ligjore të saktë.
Debati lindi përshkak vendimit 907, i cili sipas Agacit nuk është miratuar me objekt tjetër nga një tjetër variant i atij vendimi refuzuar si i papajtueshëm me ligjin, ndërkohë që Tabaku Tabaku këmbëngul se është i njëjti vendim që binte në kundërshtim me ligjin, por miratuar më vonë, falë ndryshimit të objektit.
Kujtojmë që një nga akuzat drejtuar Ëngjëll Agaçit, është edhe ajo e firmosjes brenda një dite të 17 vendimeve sa u takonte cështjes së inceneratorëve, akuzë që përgjatë dëshmisë Agaci prentoi se ato mund të përmbyllen brenda një dite, por ndërkohë ka kohë që punohet për to.
