Dje në horizon kulmoi Hëna e plotë e tetorit, njohur ndryshe edhe si Hëna e Gjahtarit, konkretisht Hëna më e madhe e 2024. Ja deri kur do të zgjasin efektet e saj sipas astrologes së njohur Meri Gjini, e çfarë do na duhet të kemi parasysh këto kohë.
____________________________________________________
Kemi një Hënë të plotë tek Dashi, ndikimi i së cilës përforcohet edhe nga ndërveprimi i saj me Marsin, Diellin, Plutonin e Neptunin. Pra janë thuajse tërë gjigandët e qiellit në ndërveprim, dhe është një influencë, që ka filluar që të premten e javës që shkoi e që do të vazhdojë deri të enjten e javës tjetër.
Një Hënë e plotë kjo me disa bashkëveprime të forta, me interferenca dhe ndikim të gjatë në kohë. Gjëja e parë që kemi ndjerë të gjithë, është që nervozohemi lehtësisht ose që kufijtë e tolerancës i kemi të vogla, pra jemi pak si lule mos më prek në reagime dhe në mënyrën se si reagojmë ndaj ngacmimeve të vogla a të mëdha.
Gjëja e dytë që lidhet me këtë Hënë të plotë, janë: e para çështje që i përkasin shëndetit dhe e dyta çështje që u përkasin zhvillimeve socialo-ekonomiko-politike në botë. Do të jenë me tonacione të larta dhe këto tonacione do të vazhdojnë deri në fund të tetorit, por e tërë kjo periudhë që ka nisur që nga fundi i qershorit deri në fundin e shkurtit, do të zgjatet pak si shumë, dhe do të na japë një imazh të qartë, se çfarë ndryshimesh reale do të presim në 2025-2026-n.
Pra është një ndikim i shkurtër duke na bërë pak nervoz, do na duhet të kujdesemi për fizikun, do na duhet të kujdesemi me lëvizjet tona, për shkak se bën këtë hyrjen katërkëndore me Marsin, dhe nga lëvizjet e pakujdesshme mund të rrëzohemi apo mund të vritemi pa dashje, kështu që duhet të tregojmë kujdes, kaq kemi në dorë.
Në këtë periudhë ndikon edhe Venusi, i cili kalon tek Akrepat, pra duam apo nuk duam, kemi një hyrje të Plutonit me Venusin, dhe të lindurit në fund të çdo shenje, duket sikur e kanë këtë shansin për të nxjerrë anën më të thellë dhe më të vërtetë të ndjenjave të tyre, por nga ana tjetër mund të marrin edhe lajme të mira për ekonominë. Kështu që të lindurit në ditët e fundit të çdo shenje, do të ishte mirë të vendosnin prioritet çështje që u përkasin raporteve personale, nëse duan korrigjim, e po ashtu edhe çështjeve që i përkasin ekonomisë.
