Në takimin me përfaqësues të komunitetit të Vlorës, kandidati për deputet i PS-së për qarkun e VLorës, Damian Gjiknuri, mes të tjerave i ka kthyer përgjigje edhe presidentit Meta mbi deklaratat e bërë prej tij paraditen e sotme nga Apollonia, ku kreu i shtetit paralajmwroi kundwrshtarwt politikw tw mos bwnin shaka me Vlorwn.
Të votosh për Vlorën, tha Gjiknuri, do të thotë të votosh për të ardhmen e këtij qyteti, për një aeroport të ri, për një port tregtar, për tunelin e Llogarasë, për tunelin Delvinë-Kardhiq, për rrugën e lumit të vlorës, për gjithë këto projekte të nisura, përfshi edhe projektin e fundit që nisëm, atë Peshkpi-Selenicë , të cilën fatkeqësisht, ai që e quhet presidenti i Republikës, u përpoq ta pengojë, ta bllokojë, për arësye mirëfilli politike, për ta futur në përçarje Vlorën, Vlora është diverse, Vlora nuk është krahinë përçarëse, Vlora ka vuajtur nga dhuna, Vlora e di shumë mirë seç do të thotë konflikt civil, prandaj ata që vijnë në Vlorë, dhe bëjnë thirrje për mish për top, apo “Vlora-Vlora bëja fora”. Për kë do do ia bëjë fora Vlora? Për djalin e tyre? Për këtë ekip të mrekullueshëm që përfaqëson Vlorën? Jo, Vlora do fitojë e do fitojë thellë, se për herë të parë Vlora ka një perspektive e ka një të ardhme! Kështu që u themi atyre plagprishësve që kanë ardhur nga Tirana, që nuk ju dalin llogaritë, mos e kruani me Vlorën. Vlora e ka zgjedhur rrugën e saj, do të marr drejtimin e saj, Vlora është pro paqes pro zhvillimit”, tha Gjiknuri.
