Rreth shtatë ka qenë numri i të mbijetuarit prej aksidentit fatal në autostradën e Bullgarisë, dy prej të cilëve, siç raporton media kosovare Reporteri.net, e cila ka publikuar dëshmitë e dy prej të mbijetuarëve.
Të dy dëshmojnë për tmerrin në çastin e përplasjes, e po ashtu edhe pë momentin, kur autobusi mori flakë.
Unë kom qenë në gjumë, shprehet Medina Lutfiu, njëra prej të mbijetuarëve, veç kur i kom pa tu bërtit njerëzit. Tym i zi, si me pas shpërthy bomba, u kon ora dy i natës. Kom dëgju thirrma të fëmijëve se ka pas shumë.
Ndërkaq, Lulzim Sulejmani thotë se përveç atij janë hedhur dhe të tjerë nga dritarja: Përveç meje janë hedhur edhe të tjerë nga dritarja. Koha ka qenë me shi. Aty kur i ka rënë bordurës i është çarë goma dhe ka marrë flakë përnjëherë. Shkaku ka qenë se shoferin e zuri gjumi.
Po sipas Reporteri.net, kompania “Besa Trans Shkup”, së cilës i përkiste autobusi, nuk ka pasur licensë për transport ndërkombëtar.
