Është firmosur ditën e sotme kontrata përfundimtare për Yacht Marinën, në Durrës, një projekt ky i cili sipas ministers së Infrastrukturës Belinda Balluku, është një prej projekteve më ambicioze në fushën e turizmit në vend dhe në rajon.
E ndikuar me gjasa edhe prej debatit se cfarë përfitonin qytetarët shqiptarë prej kësaj kontrate, përgjatë fjalimit të prezantimit, ministrja Balluku bëri me dije disa prej pikave të kontratës, vlera e investimit të së cilës do të jetë rreth 2 miliardë euro.
Duhet thënë që ky projekt, i pari I këtij lloji, edhe për pjesëmarrjen e shtetit si bashkëzhvillues, në një partneritet publik-privat, me një skemë të shkëlqyer, parashikon krijimin e një kompanie të përbashkët, ku shteti dhe dhe aksioneri, që është aksioner në masën 33%, ka të gjitha benefitet e një aksioneri në të ardhura dhe fitim, tha mes të tjerave Balluku në fjalën e saj. Shteti ka për deryrë të ruajë asetet e tij më strategjike, të cilat në Durrës janë kalatat, baseni dhe kanali i portit. Të gjitha këto mbeten pronë shtet, siç mbetet edhe hapësira 45 % e portit aktual, hapësirë e cila do të pastrohet, do të rehabilitohet dhe do t’i kthehet në përdorim qytetarëve të Durrësit, të Shqipërië dhe vizitorëve. Ky zhvillim ridimensionon edhe fuqinë dhe përgjegjësinë e autoritetit portual të Durrësit, duke na dhënë mundësinë të bëjmë një reform shumë të thellë mbi sa I përket këtij autoriteti kaq të rëndësishëm. Dhe Durrësi tashmë do të bëhet me dy porte, njëri ky që flasim sot, i Marinës dhe i Jahteve dhe nga ana tjetër, porti tregtar i Porto Romanos, dedikuar për një kompleks zhvillimi industrial, tha mes të tjerave Balluku, e cila nuk ngurroi të përmendte edhe interesin e madh për këtë zonë, nga shqiptarët, por sidomos nga diaspora.
Kemi parë hapjen e dy zyrave në Durrës dhe Tiranë për shitjen e apartamenteve dhe kemi parë që interesi ka qenë shumë i madh, ashtu sic ka qenë edhe në kërkesat onlajn, tha ajo, por edhe nga kërkesat nga e gjithë bota, dhe c’është lajmi i mirë, gjithashtu edhe nga diaspora shqiptare, të cilët duan të kenë një njeri banimi në këtë projekt të ri, theksoi Balluku.
