Fermerë nga tërë Europa janë mbledhur ditën e sotme në Bruksel për të protestuar kundër Politikës së Përbashkët Bujqësore (CAP) dhe Marrëveshjes së Gjelbër. Të paktën rreth një mijë traktorë kanë bllokuall disa rrugë në Bruksel, veçanërisht pranë Lagjes Evropiane, ku liderët e BE-së janë mbledhur për Këshillin e jashtëzakonshëm Evropian .
Fermerët, të cilët mbërritën nga e gjithë Evropa bllokuan “Place de Luksemburg”, përpara Parlamentit Evropian dhe ndezën disa zjarre me dru dhe goma. Shumë shpërthime fishekzjarre. Rreth njëqind fermerë vërvitën shishe dhe vezë në ndërtesën e Parlamentit Evropian në hyrjen kryesore në Place de Luksemburg. Policia vendosur pas barrierave me mjete kundër trazirave aktivizoi hedhjen e ujit. Demonstruesit, të pranishëm në rrugët ngjitur me Dhomën Evropiane, ndezën fishekzjarre të shumta duke thirrur “Pa fermerë nuk ka bujqësi”.
Fermerët rrëzuan gjithashtu një nga skulpturat historike në “Place du Luxembourg”, që daton që nga viti 1872. Statuja është pjesë e kompleksit monumental John Cockerill, në kujtim të pionierit të industrisë së çelikut dhe hekurudhave në Belgjikë. Në një tjetër statujë, ishte vendosur tabela: “Popull i Evropës, i thoni jo despotizmit”.
