Përgjatë takimit, dy presidentët ranë dakord të forconin shkëmbimet ekonomike dhe të merrnin masa konkrete për të forcuar bashkëpunimin mes Ankarasë dhe Moskës, duke theksuar nevojnë për ta vënë plotësisht në praktikë marrëveshjen e Stambollit për eksportimin e drithërave, “përfshi edhe eksportimin e baterialeve të papërpunuara që nevojiten për prodhimin e grurit dhe fertilizantë nga Rusia”
Takimi mes Putinit dhe Erdoganit në Sochi të Rusisë zgjati 4 orë, ku mes të tjerave, thekson kësaj here agjencia e lajmeve turke “Anadolu”, u fol edhe për Sirinë, ku Ankaraja mbështet opozitën e presidentit Bashar al Assad, kurse Moska regjimin e Damaskut, e po ashtu edhe për njoftimin e operacionit turk kundër forcave kurde cilësuar terroriste në veri të vendit, operacion i cili tani për tani nuk ka ende miratimin e Putinit.
Sipas dy agjencive ruse dhe turke, Erdogan dhe Putin biseduan edhe për luftën në Ukrainë, ku deri më tani Ankaraja ka arritur të ndërmjetësojë mes Moskës dhe Kievit, duke ia dalë mbanë së fundmi të zhbllokojë eksportimin e drithërave ukrainase, përmes korridoreve të sigurta në Detin e Zi, që kanë nisur të përdoren.
Putin ndërkaq, nga sa referojnë dy agjencitë, e falënderoi personalisht Erdoganin për marrëveshjet e eksportimit të grurit, duke theksuar se ato nuk i përkasin vetëm grurit ukrainas, por edhe ushqyesëve dhe fertilizantëve rusë. “Europa”, njoftojnë ato të ketë thënë Putin, “duhet t’i jetë mirënjohëse Turiqsë që mund të blejë gaz Rus prej Rusisë, përmes gazsjellësit Turkish Stream. Turqia, nga ana e saj, theksoi rënësinë e të përfunduarit në kohtë të ndërtimit të centralit bërthamor të Akkuyu-së, një lokalitet në jug të Turiqsë, një projekt ky i realizuar në bashkëpunim me Moskën nisur në fund të 2017-s, njësia e parë e së cilës, sipas parashikimeve, duhet të përfundojë në 2023-in.
