Pas debateve të mëdha mbi emetimin e eurobondit me vlerë 650 milionë euro, ditën e sotme ministrja e FInancave Ibrahimaj ka bërë me dije emetimin e këtij eurobondi, për një afat maturimi prej 10 vjet vitesh, dhe normë interesi afatgjatë me 3.75 %.
Në këndvështrimin e Ibrahimajt, emetimi i këtij eurobondi, është i vlefshëm jo vetëm për sigurimin e likuiditeteve që i nevojiten Shqipërisë, por edhe për garantimin e pranisë së Shqipërisë në tregjet ndërkombëtare e të besimit të të huajve po ashtu.
Emetimi i Eurobondit ka një rëndësi të lartë, jo vetëm për sigurimin e likuiditeteve në nevojshme për financimin e nevojave të qeverisë shqiptare për vitin 2021 dhe vitin 2022, theksoi minisistrja e Ekonomisë, por ka rëndësi të madhe për garantimin e prezencës së vendit tonë në tregjet ndërkombëtare dhe gjithashtu garantimin e besimit të investitorëve të huaj për qeverinë shqiptare. Në bashkëpunim me zv.kryeministrin, gjatë javës së kaluar, u zhvilluan takime me investitorë ndërkombëtarë institucionalë. Interesi për Eurobondin ishte i lartë. 114 investitorë u interesuan dhe ofruan vlera që arritën mbi 1 miliardë euro, rreth 63 për qind më shumë krahasuar me shumën e alokuar prej 650 milionë euro.
Mes të tjerave Ibrahimaj përmendi edhe qëllimin e qeverisë për të menaxhuar borxhin.
Ashtu siç e përmenda edhe më sipër, parametrat makroekonomikë u përkeqësuan në gjithë botën në dy vitet e fundit dhe në fund të vitit 2021, duke përfshirë edhe Eurobondin e sapo marrë, ne presim që raporti i borxhit ndaj GDP-së të jetë në nivelin 80.2 % dhe që prej vitit 2022 të vijojë rënia graduale, sipas parametrave të përcaktuar në ligjin organik të buxhetit, ku rënia do të jetë mimimalisht 1 % për çdo vit. Megjithatë, synimet tona janë për më shumë, duke arritur në nivelin 76.6 % në vitin 2024. Ne kemi hartuar një strategji afatmesme të menaxhimit të borxhit, e cila siguron një rritje të maturimit për të reduktuar kostot, sigurisht lidhet me risqet e rifinancimit, por edhe me risqe të tjera që ne marrim parasysh. Jo vetëm në daljet e tregjeve ndërkombëtare, por edhe në daljet në tregjet kombëtare, ne synojmë të rrisim afatin e maturimit. Për herë të parë, në muajin nëntor, ne testuam një instrument, i cili është instrument 15-vjeçar. Është hera e parë që qeveria shqiptare emeton një instrument kaq afatgjatë dhe mendoj që ishte një sukses, tha mes të tjerave, Ibrahimaj.
