Elon Musk është i pari në botë që kalon 400 biliardë dollarë pasuri. Aktualisht pasuritë e tij kapin vlerën 439.2 biliardëve, falë rritjes së Teslës në Wall Street dhe vlerësimit rekord të SpaceX.
Që nga zgjedhja e Trump, shprehet Bloomberg, pasuria e tij është rritur me 66%. Po sipas Bloomberg, pronari i Tesla-s vlen konkretisht 439.2 biliardë dollarë, falë vlerësimeve të Teslas dhe SpaceX në Wall Street. Pas 2021-it pasuria e Musk u rrit së tepërmu, dhe aktualisht ka mbërritur shifra rekord.
Sot SpaceX, pas operacionit të brendshëm të shitjes së titujve, vlerësohet tek 350 biliardë dollarë. Çmimi prej 185 dollarësh për një aksion, është shumë më i lartë se 112 dollarët e më pak se tre muajve më parë, shprehet Bloomberg, duke e bërë kompaninë e Musk startup-in më fitimprurës në botë.
“Çmenduria është se pothuajse asnjë investitor nuk donte të shiste aksione”, u shpreh Musk pas artikullit të Bloomberg-ut, i cili citoi një email të brendshëm të kompanisë: “SpaceX ka reduktuar sasinë e letrave me vlerë që do të bliheshin nga punonjësit, për të lejuar hyrjen e investitorëve të rinj”.
