Një raport paraprak i dalë ditën e djeshme prej hetimeve mbi përplasjen e para pak ditëve në Qafë-Muzinë, ku humbën jetën pesë persona, ka dëshmuar se Land Roveri që ngitej prej 22 vjeçares Çelhaka, nuk ka gjurmë frenimi në vendin e aksidentit, çka dëshmon se e reja nuk ka qenë me shpejtësi në momentin e përplasjes. Sipas këtij raporti, përplasja e dy mjeteve ka qenë tagenciale, çka ka sjellë edhe rezultatin fatal për furgonin.
“Përplasja mes dy mjeteve ka qenë tangenciale dhe kjo është përcaktuar nga pozicionimi i Land Roverit, pasi pas aksidentit, ai nuk ka shkuar më tej se sa dy metra Gjurmët e frenimit në vendngjarje mungojnë, çka do të thotë se nuk ka pasur frenim, sepse nëse do kishte pasur, mbi atë bazë do të përcaktohej edhe sa shpejt ka qenë Land Roveri. Nëse do të kishte pasur përplasje frontale, përgjithësisht energjia e çliruar nga të dyja mjetet do të varej nga pesha e secilit mjet, dhe në këtë rast, pasojat do të ishin veçse me lëndime. Por në rastin në fjalë, me përplasjen tangenciale një pjese e energjisë përthith goditjen, kurse pjesa tjetër e ruan lëvizja, raporton për Report TV Pirro Nase, i cili sqaron gjithashtu se e reja Çelhaka, edhe gjatë dëshmisë mbi ngjarjen, ka këmbëngulur se nuk ka qenë me shpejtësi, madje ka qenë me shpejtësi më të ulët seç tregonte tabela, për shkak se ajo qe një rrugë që e bënte për herë të parë, me ndihmën e GPS-së.
22 vjeçarja, raporton Nase, kishte ndërmarrë bashkë me dy shoqet e saj udhëtimin nga Tirana në drejtim të jugut të Shqipërisë për të eksploruar bregdetin jonian dhe sitet arkeologjik në jug. Range Roveri nuk i takonte asaj, i takonte djalit të xhaxhait të Celhakës, i cili ia kishte dhënë pikërish për këtë qëlli, për të eksploruar jugun. Sipas dëshmisë së Celhakës, e cila në fakt me lot në sy e ka dëshmuar gjatë seancës së dhënies së masës së arrestit, dhënë në sy seanca, seanca e parë e shkurtër, në gjykatën e shkallës së parë këtu në gjirokastër, dhe seanca e dytë që ka qenë vazhdimi, që u zhvillua në spitalin e burgut ku ndodhet Celhaka, ku i është rrëfyer e tërë dinamika e ngjarjes, dhe vetë Celhaka ka deklaruar me lotë në sy, se nuk kam qenë me shpejtësi. Furgoni ka ardhur me shpejtësi skëterrë në drejtimin tim. Nuk kam mundur të kryej dot asnjë lloj manovirimi. Ka qenë një rrugë e parahur nga ana ime, pasi qe herë e parë që unë e ndërmerrja një udhëtim të tillë drejt bregdetit, dhe kishte pasur nevojë për ndihmën e GPS, të cilën e mbante shoqja që ndodhej në vendin e pasagjerit. Në këto kushte ka deklaruar ajo nuk ka mundësi që unë të kem qenë me shpejtësi, pasi kam qenë në një terren të panjohur dhe kam pasur vetëm ndihmën e GPS. Ajo ka deklaruar se furgoni ka ardhur me një shpejtësi shumë të madhe, aq sa nuk ka mundur dot të manovrojë, përvecëse të batojë vetëm timonin në të djathtë të saj, për të shmangur një përplasje frontale.
