Teksa ka deklaruar zëplotë se kjo nismë ka për qëllim rikthimin e pluralizmit politik në Shqipëri, e po ashtu edhe të Sali Berishës kryeministër, në takimin në Rogner me demokratët, Berisha theksoi se vetëm Kuvendi mund të zbulojë identitetin e firmëtarëve të mbledhjes së tij. Një mekanizëm i tillë theksoi Berisha, është për të zhbllokuar partinë, kur e bllokojnë forume të tjera, ose kur kryetari nuk dëshiron të mbledhë kuvendin.
Këtu kemi sjellë 4200 formularë, e 4200 delgatëvete të kuvendit të Partisë Demokratike, nga 1800 që është detyrimi statutor për të thirrur këtë Kuvend, tha Berisha. Grupi përfaqësues i firmatarërëve, ka vendosur që këto formularë historikë, të rithemelimit të pluralizmit politik në Shqipëri, t’i depozitojë në selinë e PD-së, t’i depozitojë tek kryetari i Këshillit Kombëtar të PD-së, zoti Paloka. I vetmi institucion apo forum brenda saj i konstituar pas Kuvendit, është pikërisht Këshilli Kombëtar. Pikërisht për këto arsye, depozitohen pranë kryetarit të Këshillit Kombëtar. Verifikimi i mandateve, sipas rregullit të çdo Kuvendi, bëhet, dhe ju lutem ta fiksoni mirë, bëhet vetëm nga Kuvendi. Vetëm Kuvendi ka të drejtën statutore, të verifikojë mandatin e zonjës apo zotërisë që ka firmosur formularin. Ata të cilët mund të kenë dyshimin më të vogël, janë të ftuar në momentin e verifikimit të mandateve, do kenë një karrige, për të verifikuar person pas personi, çdo delegat e delegate, që vjen në këtë kuvend historik. Nuk ekziston asnjë detyrim staturor, i atyre që mbledhin 1400 firma, për t’i dorëzuar askund, përveç ditën e Kuvendit, ku verifikohet mandati. Ky mekanizëm statutor, jo vetëm i Partisë Demokratike, por dhe i simotrave të saj, është mekanizmi i zhbllokimit të partisë, kur atë e bllokojnë forume të tjera, ose kur kryetari me kryesinë, që kanë tagrin për të thirrë kuvendin, refuzojnë ta bëjnë, kur Këshilli Kombëtar nuk e thërret kuvendin. Në këtë rast, hyn mekanizmi shpëtimtar i anëtarësisë.
Kjo nismë historike, thekson më tej Berisha, ka si synim vendosjen e pluralimit politik në Shqipëri, fitoren e Partisë Demokratike dhe rikthimin e Sali Berishës si kryeministër i ardhshëm i Shqipërisë. Zonjës ambasadore e cilitdo tjetër, që ka një provë e fakt të vetëm, e ftoj t’i çoj pranë gjykatës në Paris.
