Teksa vidoja e darkës së Maznikut, Ahmetajt, Manes e Ballukut në Dubai, po bën xhiron e rrjetit, një sqarim, i cili nuk dihet se nga cili institucion zyrtar ka dalë, sepse citohet nga mediet onlajn pa asnjë burim të këtillë, po bën gjithashtu xhiron e rrjetit.
Në të thuhet se grupi i ministrave që po darkojnë ndodhen për “një vizitë dy ditore në Emiratet e Bashkuara Arabe, me ftesë të grupit të mirënjohur Emaar, i cili në emër të Princit të Kurorës dhe në vijim të marrëveshjes së nënshkruar mes dy qeverive, e ka vendosur Shqipërinë në hartën e investimeve të veta.
Është në praktikën e grupit Emaar vazhdon sqarimi që qarkullon në media pa burim zyrtar, që përpara hyrjes në një vend ku kryen investime, të ftojë përfaqësues të qeverisë, pushtetit vendor e medias, si edhe biznesit po ashtu, në bazë të përzgjedhjes së vet, për t’u njohur nga afër me investimet e kryera nga ky grup, në qendrën e tij në Dubai.
Grupi Emaar, thotë sqarimi, i cili do të zbatojë projektin e indërtimit në Durrës, ku do të ndertojë 2000 apartamente në zonën e Spitallës, dhe që ka paraqitur një projekt për rivitalizimin e Portit të Durrësit, dhe ndërtimin aty të marines më të madhe në Adriatik, ka shprehur interes të qarte edhe për disa investime të tjera.
Ditën e hënë, sqaron sqarimi, të dy përfaqësuesit e qeverisë, do të informojnë publikun për vizitën.
Sqarimi pa burim zyrtar, saktëson në fund se të gjitha shpenzimet e qendrimit në Dubai janë mbuluar nga pala mikpritëse.
