Ministri i sapo emëruar në krye të ministrisë së Brendshme, Blendi Çuçi, ka njoftuar ditën e sotme se ku mund të aplikohet për marrjen e kartës së identitetit, e jo vetëm në Shqipëri, por edhe jashtë saj. Sipas ministrit Çuçi, pranë konsullatave në disa vende europiane janë hapur gjashtë prej tyre, ku mund të aplikojnë bashkëatdhetarwt që jetojnë jashtë.
Nëse ju ka skaduar karta e identitetit, aplikoni në zyrat e kompanisë “Aleat” në të gjithë vendin pavarësisht vendbanimit tuaj, është shprehur ai. – Përmes këtij dokumenti ju mund të përfitoni dhjetra shërbime online në portalin e-Albania apo kudo tjetër në institucionet publike e private. Përmes ID kartës tuaj do të identifikoheni edhe në procesin e ardhshëm zgjedhor.
Lajm i mirë edhe për bashkatdhetarët tanë që jetojnë jashtë vendit. 6 zyra të reja janë hapur pranë konsullatave tona në disa vende europiane, në mënyrë që ata të aplikojnë për rinovimin e kartës së identitetit. Zyrat e “Aleat” në mbarë vendin do të qëndrojnë hapur edhe ditëve të shtuna.
Për të shmangur pritjen në radhë, rezervoni aplikimin tuaj edhe në portalin e-Albania.
Kujtojmë që në 25 prill të 2021 mbahen zgjedhjet e përgjithshme, ku për herë të parë do votojnwë edhe ata që jetojnë jashtë Shqipërisë.
