Nuk ka mundur të detajojë dot një përgjigje të saktë sa i takon rritjes së çmimit të energjisë për biznesin e mesëm e të madh, zëvendëskryeministri Ahmetaj, i cili, teksa parashtronte përpara gazetarëve vendimet e marra në mbledhjen e djeshme të qeverisë, u pyet edhe seç qe parashikuar për çmimin e energjisë së këtyre bizneseve, rritja e të cilit, mund të ndikonte në rritjen e çmimit të produkteve që ata ofronin.
Kryeministri ka qenë shumë i qartë në deklarimin e planit, tha Ahmetaj. Pika e parë është është shumë e rëndësishme, ka të bëjë me furnizmin me energji elektrike. Pika e dytë, ka të bëjë me mos rritjen e çmimit të energjisë elektrike për familjarët dhe për biznesin e vogël. Për pjesën tjetër, vazhdoi ai, ka një reformë, që do vazhdojë ashtu siç ka qenë e planifikuar, pa shtuar të tjera detaje sqaruese, për të cilat në fakt edhe u pyet nga gazetarja Kesiana Omeri e Klan News.
