Ministrja e Energjisë dhe Infrasturkturës Belinda Balluku ka treguar për publikun aeroprtin Zayed të Kukësit, pak orë përpara hapjes. Në shpjegimin e saj rreth tij, ajo theksoi se ky aeroport do të ishte, low cost, rajonal dhe shumica e punësimeve në të, do të kryheshin nga zona e Kukësit.
Sigurisht kemi një plan të qartë të bazuar mbi studime, u shpreh Balluku. E theksoj këtë se dëgjoj shpesh që thonë, a është nevoja që Shqipëria të ketë gjithë këto aeroporte, dhe ne kemi studime të mirëfillta fizibiliteti, për të gjitha aeroportet që kemi vendosur të ndërtojmë në territorin e Shqipërisë. Kështu që ky i Kukësit, është faqja e parë e një epoke të re në aviacionin civil shqiptar.
Do jetë i dedikuar për ato kompani që ofrojnë shërbime cilësore, po me çmime të ulëta, ndaj dhe quhen low cost. Është i destinuar për të qenë i tillë dhe ka edhe një element tjetër kombëtar ky aeroport: është rajonal. Është aeroporti i shqiptarëve, dhe jo thjesht i Veriut të Shqipërisë. Është ndërtuar dhe konceptuar për t’ju shërbyer të gjitha trevave shqiptare, të Shqipërisë, Kosovës, Maqedonisë e pse jo dhe Malit të Zi.
Balluku theksoi gjithashtu se ky aeroport do ketë ndikim të madh në ekonomi, për shkak të pasagjerëve që do të shtohen e turistëve gjithashtu. Ndikimi në ekonomi, do të ndihet për shkak të kargove që do të zbresin këtu, për shkak të numrit të pasagjerëve, të turistëve, që duhet theksuar, tha ajo. Do fluturohet nga Londra direkte në Kukës, nga Zvicra direkte në Kukës. Hiq pozicionet që janë me lincensime të trajnuara, pjesa tjetër do punësohen nga zona rreth Kukësit.
