Pacienti i parë me çip Neuralink në tru, duket se është rikuperuar plotësisht dhe është në gjendje të kontrollojë mausin përmes mendimeve, ka deklaruar të hënën Elon Musk
“Po përparon mirë dhe pacienti duket se është shëruar plotësisht, pa asnjë efekt të anësor për të cilin ne jemi të vetëdijshëm. Pacienti është në gjendje të lëvizë mausin rreth ekranit vetëm përmes mendimit,” deklaroi Musk në platformën e tij sociale X.
Musk tha se Neuralinku tani po përpiqej të merrte sa më shumë klikime të mausit nga pacienti. Eksperimenti përdor një robot për të vendosur në mënyrë kirurgjikale një implant në një rajon të trurit, që kontrollon lëvizjen, ka thënë Neuralink, duke shtuar se qëllimi fillestar është t’u mundësojë njerëzve të kontrollojnë një kursor kompjuteri apo tastierë thjesht me mendimet e tyre. .
Musk ka ambicie të mëdha për Neuralink, duke deklaruar se do të lehtësonte pajisjen me çip për të trajtuar probleme si obeziteti, autizmi, depresioni dhe skizofrenia.
Neuralink, i cila u vlerësua në rreth 5 miliardë dollarë vitin e kaluar, është përballur me thirrje të përsëritura për shqyrtimin e protokolleve të saj të sigurisë. Reuters raportoi muajin e kaluar, se firma u gjobit për shkeljen e rregullave të Departamentit të Transportit të SHBA-së, sa i takonte zhvendosjes së materialeve të rrezikshme.
