Ka shokuar mbarë opinionin publik deklarata e sotme e kandidatit për deputet në qarkun e Dibrës, Xhelal Mziut, i cili, përpara disa mbështetësve të tij demokratë, ka deklaruar se kanë ngritur grupet e gatshme, e se nga tani e në vazhdim, për çdo person për të cilin dyshohet se shet-blen vota, mjafton një telefonatë, dhe ai ai përfundon si i vrari i Elbasanit.
Kemi ngritur grupet e gatshme, dëgjohet të thotë Mziu përparë mbështetësve të vet. Nga tani e në vazhdim, çdo person i dyshimtë që qarkullon në lagjen tuaj, mjafton një telefonatë dhe përfundon si ai i Elbasanit.
Edhe pse Mziu ka kërkuar më pas ndjesë, nuk ka munguar reagimi i ambasadores amerikane Yuri Kim, e po ashtu edhe i kreut të PS-së Edi Ramës.
Teksa Kim shprehet e kënaqur nga ndjesa e Mziut dhe bën thirrje që situata e Elbasanit të mos përsëritet më, sepse ditët e grupeve të armatosura që veshin petkun e partive dhe patrullojnë rrugëve, i përkasin të shkuarës që duhet ta refuzojmë, Rama e konsideron një deklaratë të tillë “subjekt të vetë deklaruar të drejtësisë penale”.
Populli duhet t’u tregojë këtyre gangove me kravata dhe atyre që flasin për armë e për cfurqe për të sjellë ndryshimin së prapthi në Shqipëri, se Shqipëria dhe shqiptarët nuk kthehen më mbrapsht! Në 25 prill votohet për fëmijët që s’kanë të drejtë vote, por që asnjë borxh nuk u kanë prindërve votues kthimin e reve të zeza të së shkuarës mbi kokat e tyre!, shkruan Rama në statusin që komenton ngjarjen.
