Lajmi i përhapur mbi një çamçakëz ngjyrë jeshile ditën e premte, ka bërë që policia e shtetit të shtojë kontrollet nëpër shkolla. Sipas një njoftimi nxjerrë ditën e sotme, ajo deklaron se ka gjetur një tablet në ngjyrë jeshile në një shkollë në Yzberisht, e cila pas analizave nuk ka rezultuar me lëndë psikotrope.
Sa më poshtë njoftimi i policisë
Tiranë
Në vijim të njoftimit të dhënë ditën e premte, më datë 25.10.2024, për një substancë në formë tableti, në ngjyrë jeshile, që dyshohet se përgjum fëmijët, ju njoftojmë se:
Në vijim të kontrolleve të ushtuara, në një shkollë në Yzberisht është sekuestruar një tabletë në ngjyrë jeshile dhe nga analizat përkatëse në sektorin e toksikologjisë pranë ISHP, është arritur në përfundimin që nuk ka prani të ndonjë lënde psikotrope dhe rezulton të ketë në përbërje vitaminë E.
Pavarësisht këtij rezultati të nxjerrë, strukturat e Policisë do të vazhdojnë kontrollin dhe monitorimin në të gjitha shkollat.
