Mospërditësimi i një softueri me të cilin punonin shumë administrata në tërë botën, ka shkaktuar probleme serioze në të tëra shërbimet.
Bankat, aeroportet, trenat, kanë pezulluar punën e tyre për hir të mospërditësismit të softuerit Crowdstrike.
Nga sa raportohet prej mediave të mëdha botërore, linjat amerikane kanë bllokuar të tëra fluturimet, ndërkohë që aeroportet në Sidnejit e Berlinit janë mbyllur, e po ashtu edhe Spanja raporton probleme. E njëjta situatë paraqitet edhe në Angli, Hong-Kong e Australi.
Sipas ekspertëve, kjo problematikë ka prekur edhe Falcon Sensor-in, softuerin e sigurisë kibernetike Crowdstrike, duke shkaktuar kështu bllokimin e shërbimeve të Microsoftit. Kompjuterë të shumtë janë fikur dhe kanë shfaqur një ekran blu, pa mundur të ndizen më.
“Jemi në dijeni të njoftimeve për ndërprerje anormale të hosteve Windows që lidhen me Falcon Sensorin. Grupi ynë i teknikëve po punojnë për ta zgjidhur sa më parë problemin”, bëjnë me dije përfqësues të Crowdstrike.
Falcon Sensor i Crowdstrike është një softuer i projektuar për të parandaluar sulmet informatike. Një përditësim i softuerit po bllokon kompjuterat në tërë botën, duke sjellë ndërprerje anormale të platformave Windows.
