Lideri historik i PD-së Sali Berisha, në intervistën e dhënë në emisionin “Pa Censurë” të Elona Meços përpara arrestimit në banesë, ka deklaruar se e dinte shumë mirë që do të vinte kjo situatë dhe ishte plotësisht i pregatitur. Pyetjes së gazetares se “A e kishit menduar ndonjëherë se do ta mbyllnit një vit e do të fillonit një vit tjetër duke pritur një vendim arresti?”, Berisha i përgjigjet:
Në diktaturë je i detyruar t’i mendosh të gjitha. Në eksperiencën time të gjatë, 34 vjet më parë në atë vendim që kisha marrë, prisja çdo lloj vendimi nga diktatura. Por e prisja me gjakftohtësi, pasi është marrë vendimi, nuk kam ndjerë më asnjë lloj impresioni. Kurse kësaj radhe jo, kësaj radhe jam plotësisht i përgatitur, Kam paralajmëruar prej kohësh se këtu është vendosur diktatura e bandave, kam qarkuar Shqipërinë duke shpjeguar se pse diktatura e bandave është më e keqe se diktatura komuniste, thotë Hungtington jo unë, se diktatura naziste, se diktatura teokratike. Diktatura e bandës është e tëra pa asnjë lloj ligji dhe rregulli, por është e tëra në dispozicion të kryebanditit që drejton bandat. Në këtë kontekst, ti e shef, pa asnjë fakt, pa pasnjë dokument, pa asnjë shkelje ligjore, i pa pyetur kurrë në jetën e tij, shpallen masat në mënyrën më antikushtetuese, më antiligjore të sigurisë ndaj meje, cka tregon, shëmtinë e regjimit të vendosur. Si mund të mendoni ndryshe, kur i gjithë establishmenti i diktaturës u vu në garë, nga Edi Rama, tek ish-oficeri xhelat i policisë sekrete, tek Felaj me prokurori private, Linda e parlamentit, gjykatësja e shkarkuar nga unë në vitin ‘96, në 8 shkurt, e gjitha kjo, u vu në garë se kush e kush të dëshmojë më shumë, zellin, hakmarrjen e tij politike për hir të Edi Ramës, në funksion të Edi Ramës, të cilin e kapi tmerri.
Unë nuk jam njeri që i vë rëndësi vendimit, i vë rëndësi procesit, dhe procesi është oruellian, është kafkian, procesi tregoi gjithë shëmtinë e këtij regjimi, që s’ka ligj e s’ka moral.
Dhe, për ta mbyllur këtë, doli dhe kreu i SKAP-it, që tregoi se Kushtetuta dhe ligjet për të janë përtokë dhe i përmbahet vetëm statutit të partisë ekstremiste që beson. Këta, vënë gjethen e fikut përpara dhe mendojnë se të tjerët nuk i shohin si janë”, tha mes të tjerave Berisha, i cili aktualisht gjendet në arrest shtëpie, duke komunikuar thuajse përnatë me përkrahës të PD-së që shkojnë poshtë apartamentit të tij.
