Dasma e vitit që ka ndezur Venecian këto ditë, ajo e multimilionerit Jeff Bezos dhe Lauren Sanchez, vjen pas një historie dashurie fillimisht të mundimshme e mandej, herë pas here, “skandaloze”, për t’u shndërruar pastaj romantike e të lumtur. Ja çfarë duhet të dini për historinë e tyre.
Divorci i Bezosit
Lauren Sanchezi, 55 vjeç, ka qenë prezantuese programesh televizive. Ajo ka pasion fluturimet dhe po martohet me themeluesin e Amazonit Jeff Bezos, një prej njerëzve më të pasur të planetit. Kur filluan të dilnin fshehtësisht para vitit 2019, të dy ishin të martuar. Vetëm në janar, gjashtë vjet më parë, Bezosi dhe gruaja e tij e parë, MacKenzie Scott, njoftuan divorcin, duke deklaruar qëllimin e tyre për të vazhduar “jetën e përbashkët si miq”.
Bezos jep dorëheqjen si drejtues ekzekutiv i Amazonit
Mes gjithë këtyre, në vitin 2021, Bezos vendos të njoftojë dorëheqjen e tij si Drejtor Ekzekutiv i Amazonit. Në moshën 61 vjeçare, ai deklaron se dëshiron t’ia kushtojë energjitë e veta “Blue Origin”-ës, kompanisë së eksplorimit të hapësirës që drejtonte, si dhe aktiviteteve të ndryshme të bamirësisë. Megjithatë, ai vazhdon të jetë kryetari ekzekutiv i Amazonit, aksioneri më i madh i gjigantit dhe një figurë absolutisht autoritare brenda tij.
Fejesa në vitin 2023
Ndërkohë, Bezosi dhe Sanchezi kanë filluar të marrin pjesë rregullisht nëpër festat e Oscar-it e vende të tjera të frekuentuara nga personazhet VIP. Sancenz përdor shpesh Instagramin për të komunikuar ndjenjat e saj, duke shprehur ndonjëherë dashurinë për Bezosin apo fëmijët, deri në njoftimin përfundimtar të fejesës, që daton në 2023-in.
Disleksia
Përpara se të lidhej me Bezosin, Sanchezi nuk ishte ndonjë figurë shumë e njohur. Një meksikano-amerikane e gjeneratës së tretë nga New Mexico, ajo vuante nga disleksia dhe ndikoi në ndërgjegjësimin mbi këtë çështje, që ishte një nga betejat e saj. Ajo ka deklaruar se i dukej vetja “budallaqe”, derisa një profesor “i ndryshoi jetën”, duke e bërë të përballej me realitetin e gjendjes së vet dhe duke i mundësuar të fitonte një bursë për në Universitetin e Kalifornisë Jugore.
Futja në televizion
Pas mbarimit të kolegjit, Sanchez fillon karrierën televizive në një stacion lokal në Phoenix, Arizona. Punon fillimisht në Fox Sports dhe më pas në Extra, një program lajmesh stil tabloid të Los Angelesit, për të cilin punoi për një kohë mjaft të gjatë. Në vitin 1999, i mohet një pozicion në “The View”, emisionin e talk-show drejtuar nga Barbara Walters, por pak nga pak bëhet një fytyrë e njohur, veçanërisht kur punon si bashkë-prezantuese e një programi lajmesh të mëngjesit në Los Angeles, nga viti 2011 deri në vitin 2017. Gjatë këtyre viteve, ndër të tjera, ajo qe e martuar me agjentin e Hollivudit Patrick Whitesell, me të cilin ka dy fëmijë: Evan dhe Ella.
Fëmijë nga marrëdhënie të tjera
Sanchez ka edhe një djalë tjetër, Nikko, lindur nga një marrëdhënie me ish-yllin amerikan të NFL-së, Tony Gonzalez. Bezos, nga ana e tij, ka katër fëmijë me ish-gruan: një djalë, Prestonin, lindur në vitin 2000, si dhe dy djem e një vajzë të adoptuar.
Pasioni për fluturimin
Sanchezi, siç u përmend, krenohet se fluturimi është ndër pasionet e saj. Ndër të tjera, pasi u largua nga bota e televizionit, ajo vendosi të themelonte një kompani të specializuar në xhirimet ajrore, e cila më vonë bashkëpunoi në filmin “Dunkirk” të Christopher Nolan. “Është një hapësirë e dominuar nga meshkujt”, deklaroi gruaja për Hollywood Reporter në vitin 2017. “Por nuk ka asgjë fizike në fluturimin e një helikopteri. Nuk ka asnjë arsye pse të mos ketë më shumë gra në këtë industri.” Pasioni e çoi edhe në hapësirë, edhe pse shkurtimisht, si pjesë e një fluturimi tërësisht femëror me “Blue Origin”.
Midis anëtarëve të ekuipazhit qe këngëtarja e muzikës pop Katy Perry, një nga të ftuarat e famshme në festën e Sanchez në Paris, e cila u zhvillua në maj.
Midis të ftuarave qenë edhe Kim Kardashian, Kris Jenner dhe Eva Longoria.
