Në një konferencë për median paraditen e sotme, kreu i Partisë Demokratike të reformuar Sali Berisha, e ka cilësuar fjalimin e kreut të qeverisë Rama përpara Asamblesë së Përgjithshme të Këshillit Evropian, si një prej tradhëtive më të mëdha që i është bërë Kosovës gjatë gjithë historisë së Shqipërisë modern, duke shpënë ujë indirekt në tezat anti-serbe për zhdukjen e Kosovës.
Edi Rama në Strasburg, tha Berisha, shpalli aktin madhor të tradhëtisë kombëtare pas Enver Hoxhës ndaj Kosovës. Ai shkoi aty dhe shpalosi tezën serbe antishqiptare të kombit kosovar. Enver Hoxha vërtet e la Kosovën nën pushtimin serb-jugosllav, por nuk foli ndonjëherë për “kombin kosovar”. Gjysmën e dytë të shekullit, Beogradi ka propaganduar me gjithë forcën e tij, tezën e “kombit kosovar” dhe “kombit shqiptar”, apo “shqiptarci”, të këqinjtë e Kosovës që janë për t’u zhdukur, dhe “albanski”, të mirët që janë për t’u pasur fqinjë dhe respektuar.
Me këtë tezë, Edi Rama, jo vetëm pranon ndarjen më dysh të kombit shqiptar, por indirekt edhe zhdukjen e kombit, pasi ai është Kosovar. Kjo është thika më e rëndë që i futet kombit shqiptar në 150 vitet e fundit, nga një tradhtar shqiptar. Edi Rama i futi thikën pas shpine Kosovës, pasi dështoi me turp me tezën e luftës civile të elaboruar për dy vite në propagandën e rilindjes. Barbaritë serbe gjatë luftës në Kosovë, nisur nga racizmi i pushtuesëve serbë, në Strasburg I vlerësoi si një konflikt humanitar, ndërkohë që ai ishte një genocid me bazë racizmin e serbëve ndaj shqiptarëve. Rama i futi thikën Kosovës, se në momentin më të papërshtatshëm, kur ajo kishte nevojë për një lobim pozitv, për anëtarësim e saj në KE, ai lëshoi një lumë sharjesh dhe akuzash ndaj tij, të padëgjuara në atë sallë në tërë ekzistencën e atij institucioni, tha mes të tjerave Berisha gjatë konferencës përpara gazetarëve
