Në prezantimin e programit “Shqipëria fiton energjinë”, kryetari i PD-së Basha, u shpreh se do të ulë çmimin e faturës së energjisë elektrike për 70% të shqiptarëve, si dhe do liberalizojë tregun e energjisë, në mënyrë që konsumatori ta zgjedh vetë operatorin sipas ofertës. Thelbi është, u shpreh Basha, të krijojmë konkurencë e cila do të sjellë uljen e çmimeve.
Në këtë kontekst, duke përsëritur se nuk do të kërkonte një mandat tjetër, nëse nuk i zbaton këto që thotë, Basha u anagazhua se:
- Do ulim çmimin e faturës energjike për 70 % të familjeve shqiptare, duke ngritur një sistem faturimi me dy fasha, dhe duke ulur çmimin e energjisë për ata që konsumojnë deri në 300 kë orë në muaj;
- Do liberalizojmë tregun e energjisë elektrike, duke u dhënë konsumatorëve mundësinë të zgjedhin vetë, se tek cili operator do ta blejnë energjinë
- në funksion kësaj, anagazhimi kyç, ngritja e bursës së energjisë;
- biznesi do furnizohet më lirë dhe më mirë duke mundësuar kështu të rritjen e punësimit;
- do zhdukim nga qarkullimi gjeneratorët, se është skandal për ekonominë shqiptare, që në vitin 2021, gati gjysma e bizneseve sipas Bankës Botërore përdorin gjeneratorët;
- Investimet për rrjetin e shpërndarjes do shkojnë atje ku duhet, jo në xhepat e administratorëve të korruptuar;
- do mirëadministrojmë OSHEE;
- angazhohem për bashkimin e tregjeve të energjisë me Kosovën, duke kombinuar prodhimin në Kosovë nga hecet energjike bazë, ndërsa ajo e prodhuar në Shqipëri, do përdoret për të mbuluar kërkesën në vend;
- do marrin fund pagesat korruptive, që u kërkohen sipërmarrësve nga kjo administratë;
- do ulim çmimin, do rrisim cilësinë e karburantit përmes politikave fiskale, ku veçoj heqjen e taksës Rama prej 240 lekë për litër karburant, duke hapur dhe zhbërë kështu tregun e monopoleve që ekzistojnë sot;
- do rrisim prodhimin e energjisë në vend, përmes burimeve të gjelbra dhe të pastra. Shqipëria do përfitojë nga pozicioni gjeografik, për t’u kthyer në qendër të mbarë Ballkanit, por edhe përtej, me gaz natyror, i cili është më i pastër, më i pakushtueshëm, dhe do forcojë ekonominë tonë;
- do rrisim energjinë nga burimet hidrike dhe ato të erës;
- përparësi, lufta pa kopmpromis ndaj korrupsionit, evazionit dhe kontrabandës që ka kapur sektorin;
- do kontrollojmë rreptësisht cilësinë e karburanteve. Brenda 180 ditëve të qeverisjes sonë, ajo do arrijë standardin evropian;
- do lidhim gazjellësin Tap me tecin e Vlorës, do të gazifikojmë zonat industrial dhe do aplikojmë projektin e magjistralit jon në Adriatik, duke sigurar kështu një lidhje me magjistralin e gazit në Kosovë;
- në sektorin minerar, anagazhohemi të rrisim investimet e huaja 150 % direkte dhe të dyfishojmë kontributin e këtij sektori në ekonomi, gjë që do të sjellë punësim direkt dhe indirekt për mijëra shqiptarë në veçanti, në zonat malore dhe të varfra;
- jemi gati të shqyrtojmë me organizatat e minatorëve, çdo përfitim të veçantë për sakrificat që ata bëjnë e që shoqëria ua ka borxh, përfshirë përfitimet sipas një statusi dinjitoz, për t’ua lehtësuar sado pak pleqërinë me pensione dinjitoze;
- me të fituar, unë do ta adresoj vëmendjen tek dy probleme të rëndësishme: zgjidhjen e përmbytjeve tona dhe përfundimin e rehabilitimit me shpejtësi të të tëra dëmëve të tërmetit.
