Që prej 20 marsit, energjia që do të na vijë në banesa, do të jetë pastër energji e importuar. Lajmin e ka bërë me dije vetë ministrja e Infrasktrukturës Belinda Balluku, e cila ka sqaruar në emisionin Opinion, se ajo që do t’i ofrohet abonentit prej kësaj date e tutje, do të jetë ajo që ofrohet në bursë.
77% gjatë muajit janar është prodhuar nga kaskada dhe nga IPP-të, pra dhe nga hidrocentralet e vogla, pasi mishelën e bën KESH-i, tashmë të gjithën, dhe 23 % është blerë nga importi. Kurse në shkurt, duke pasur një impakt që tashmë është i dukshëm në liqenet e kaskadës, kemi prodhuar vetëm 57% nga kaskada dhe 43 % i jemi drejtuar importit, tha mes të tjerave Balluku. Për muajin mars është akoma më keq, dhe më duhet që tju them që duke filluar që nga 20 marsi, ne nuk do të prodhojmë më nga kaskada, pasi kemi arritur nivelet teknike, dhe atëherë gjithcka do të shkojë në import, dhe nga 20 marsi, ajo cka ne do ti ofrojmë abonentit, do të jetë ajo që ju do të shikoni në cmimin e bursës.
Një prej ideve në shqyrtim sipas ministres Balluku në përballimin e krizës, është edhe diferencimi i mëtejshëm i fashave, duke u faturuar atyre që kanë mundësi ta blejnë, energji me cmim më të lartë.
Nuk kemi pasur asnjë dëshirë që të fillojmë dhe diferencojmë dhe një herë fashat, tha ajo, por kjo do të varet nga rrethanat hidrologjike. Për shkak të parashikimeve të motit, pra ne e marrim parashikimin nga Forcat Ajrore për dz javë, megjithëse kohët e fundit rrymat lëvizin shumë, por deri më datë 31 mars, në rrepublikën e shqipërisë nuk do të ketë asnjë rreshje. Do kemi ngritje të temperaturave, të cilat do të na sjellin një farë ngarkese të frontit, por na ana tjetër, temperaturat nuk janë sot për shkrirje dëbore, dhe dëbora nuk është ajo që ka qenë dikur. Konsumi fatkeqësisht nuk ka rënë. Konsumi i javës së fundit ka arritur limite që ne i provojmë në ditët e festave, sepse konsumi në shqipëri lëviz në 14-15 megavat orë ndërkohë që javën e fundit, për hir të temperaturave të ulëta kemi arritur në 21 megavat orë.
