Autoritetit Rrugor ka njoftuar devijimin e rrugës së automjeteve që vijnë prej “Sheshit Shqiponja”, në drejtim të “Pallatit me Shigjeta”, për shkak të punimeve në lotin 3.
Në njoftimin e vet Autoriteti Rrugor sqaron se pas daljes nga nënkalimi i “Ozone”, automjetet do të devijonë majtas, duke përdorur karrexhatën e re të rrugës kryesore të lotit 3, duke shmangur aksin kryesor deri pranë Mbikalimit të Pallatit me Shigjeta.
Sa më poshtë specifikimet se nga duhet të kalojnë që prej ditës së nesërme, autometet të cilave u devijohet rruga.
NJOFTIM
Duke filluar nga dita e diel, 17.04.2022 ndryshon drejtimi i lëvizjes për mjetet në Unazën e Madhe për shkak të punimeve që po kryhen për ndërtimin e Lotit 3.
Automjetet që do të vijnë nga Sheshi Shqiponja në drejtim të Pallatit me Shigjeta, pas daljes nga nënkalimi i “Ozone”, do të devijojnë majtas duke përdorur karrexhatën e re të rrugës kryesore të Lot-it 3, duke shmangur kështu aksin kryesor deri pranë Mbikalimit te Pallatit me Shigjeta, e duke vazhduar më pas sipas orientimit ekzistues.
Automjetet që përdorin aksin e rrugës dytësore djathtas, nuk do të kenë ndryshim të lëvizjes.
Automjetet që do të vijnë nga Mbikalimi i Pallatit me Shigjeta në drejtim të rruges “Teodor Keko”, do të devijojnë djathtas duke përdorur karrexhatën e re të rrugës dytësore të Lotit 3, duke shmangur kështu aksin kryesor deri pranë nënkalimit të O-Zone, e duke vazhduar më pas sipas orientimit ekzistues në Lotin 2.
Për automjetet që do të kenë destinacion Yzberishtin, Bulevardin “Migjeni”, “Kombinatin” nuk do të ketë ndryshime në qarkullim.
Kërkojmë mirëkuptimin e banorëve dhe përdoruesve të rrugës për këto ndërhyrje që po kryhen në këtë aks deri në përfundimin e plotë të këtij projekti.
