Pas deklaratës së Ramës gjatë takimit me fermerët e Lushnjes, se Shqipëria është nga eksportuesët kryesorë të mollëve në rajon dhe i pari për domaten, ka reaguar me një postim të vetin në fejsbuk edhe akademiku Fuga, i cili rendit njëra pas tjetrës frutat e perimet e hasura, mes së cilave asnjë produkt shqiptar.
“Vajta të bleja një tufë majdanoz për ta ngrënë me bukë thatë për darkë dhe në treg mora falas një mësim gjeografie fizike! E lashë bukën fare, nuk më hahej!”, shkruan së pari në statusin e tij profesor Fuga, teksa poston një foto me hurma arabie, me një cmim marramendës, për të vijuar me mollët greke, arrat franceze e luleshtrydhet e ftonjtë e Kretës, deri tek portokallet afrikane, që sosin në tregun shqiptar me një kosto tek 189 lekë kilja.
Sa më poshtë, Metropolpost jus jell fotot dhe statuset e publikuara prej profesor Fugës, të cilat ngrenë një pyetje thelbësore sa i takon prodhimit vendas: Ka apo nuk ka prodhim vendas? Nëse ka, përse në treg nuk figuron asnjë, kur ata që merret me prodhimin e tyre ankohen se po u kalben në ara e sera?
