Ajola Xoxa, juriste, kuratore arti dhe bashkëshorte e kryebashkiakut të vendit, ka replikuar me një komentuese në instagramin e saj, e cila i ka kërkuar të mos luajë vetëm rolin e top modeles në instagramin personal, por si gruaja e kryebashkiakut, të bëjë diçka më shumë: Duke të njohur familjen se nga rrjedh, shkruan komentuesja në instagramin e Ajolës, kam besuar se si bashkëshortia e kryebashkiakut mund të bëjë diçka më shumë se sa foto, selfie, rolin e top modeles, apo edhe që di të vishesh bukur, e të dukesh class.
E dashur, unë drejtoj një zyrë ligjore prej shuuumë vitesh, i përgjigjet Ajola Xoxa. Drejtoj një platformë arti shumë të njohur gjithashtu, një shtëpi botuese të trashëguar nga babai dhe gjyshja ime, dhe një iniciativë ndihme. Thjesht besoj se nuk është e vendit të publikoj punën time online, sepse nuk ka asnjë nevojë ta reklamoj.
Roli im, si bashkëshortja e Kryetarit të Bashkisë, nuk është rol protokollar, dhe puna ime private nuk ka nevojë që ta shohësh ti në instagram.
Përpara se të paragjykosh, informohu.
Por debati nuk është mbyllur me kaq: Unë nuk të paragjykova, vazhdon komentuesja, nëqoftese ju e merrni kështu është problemi juaj!!! Thjesht kam tjetër pritshmëri nga gruaja e kryebashkiakut, qoftë kjo edhe në instagram!! Merreni si një sugjerim, dhe mbusheni jetën edhe me sfadisfaksione të tjera, dhe pse jo, edhe për disa si unë! Keni rrugë të gjatë për të bërë, qëndroni me këmbë në tokë, se toka ka fuqi magjike të pashtershme dhe nuk ju lë në balt!! Babain dhe nënën tënde i kam njohur krejt, komplet ndryshe, mbase e kam gabim, por një arsye edhe, e një pritshmërie tjetër! Në fund të fundit, është hera e parë dhe e fundit që ju shkruaj! Suksese!!
Ti bën shumë shumë gabim që më gjykon nga Instagrami, që për mua nuk është asgjë, madje as një kalues kohe, vazhdon replikën Ajola. Meqë ke njohur prindërit e mi, duhet ta dish fort mirë se unë punoj 12 orë në ditë minimumi, se çdo gjë që kam e kam ngritur vetë, se kam biznesin tim (zyre ligjore) që prej vitit 2009, e ndërkohë bëj 10 gjëra të tjera me dobi për komunitetin, se kam punuar që 16 vjeç. Unë nuk i ngatërroj punët e mia me të tim shoqi kurrë, dhe ti, si femër, duhet të mësosh t’i respektosh grate e vajzat e tjera, dhe t’i vlerësosh për arritjet e tyre, jo të presësh një kryerje funksioni si pasojë e burrit. Dhe duhet të dije gjithashtu, se një njeriu me këmbë në tokë (siç po thua,) nuk ia ndjen hiç, po hiç, të reklamojë punën e vet në instagram; sidomos ne rastin tim, kur puna ime mbështetet pikërisht mbi diskrecionin.
Edhe fotot këtu, nëse nis e i sheh me kujdes, vëren se shumë rralle publikoj foto të miat, sepse e kam kaluar me shuuumë kohë kompleksin e reklamimit të vetes. Zgjedhjen për të parë siç e sheh ti, e ke bere vete, në mënyrë të ndërgjegjshme apo të qëllimtë, por ndërhyrja jote, është dashakeqëse, gjithësesi.
