Ish ministri ekonomisë së Arben Ahmetaj, ka deklaruar përgjatë intervistës së tij në Syri TV, se nëse SPAK-u do ta hetonte vërtet inceneratorin e Tiranës, shqiptarët do të llahtariseshin.
Teksa vuri theksin tek hetimet e kota që ishte duke zhvilluar SPAK-u në drejtim të tij, duke u marrë me detaje të parëndësishme tek familjarët e tij, Ahmetaj theksoi se cështja do të shkonte shumë lartë.
“Po të them pra, po ua them shqiptarëve, kam filluar ta refuzoj inceneratorin e Tiranës në vitin 2016”, tha Ahmetaj përgjatë intervistës. “Ftoj të gjithë ata që duan të investigojnë, se tashi investigimi ka shkuar tek pllakat e banjës së Erjolës, tek pllakat e shtëpisë së Albinës, tek sa është shitur m2 dhe sa është blerë m2 katror. Pra këtu ka shkuar SPAKU. Roberspierizmi politik ka shkuar tek laminatet te kuzhinës së familjes së Erjolës në Lalëz dhe është pyetur zdrukthtari nga Elbasani dy herë në most re, deri këtu ka shkuar, kjo është drejtësia e re. Ndërkohë që nuk merren me procedurat. Pse u shmangen procedurave? Po qe se do bëhen, I sfidoj, po qe se do bëhet një hetim i vërtetë I inceneratorit të Tiranës, shqiptarët nuk do habiten, po do të llahtarisen. Por sigurisht SPAKU nuk e bën këtë. Unë thashë folloë the money. Unë isha I akuzuar nga opinion public, po goditesha nga dritaret e TCH e nga të gjtiha mediat e paguara nga inceneratorët. Unë habitem të figurosh që je paguar nga inceneratorët e të dalësh e të bësh sikur po Lufton korrupsionin, është cmenduri domethënë, megjithatë, ky është tjetër diskutim. Po të hetohet Tirana, shqiptarët nuk do habiten por do të llahtarisen. Do të shkojë shumë lartë.”
