Në emisionin e mbrëmshëm Opinion, nisur nga sulmet kibernetike të Iranit ndaj Shqipërisë, një nga pyetjet që gazetari Blendi Fevziu i drejtoi Ramës ishte edhe ajo mbi aktivitetin politik të muxhaedinëve në Shqipëri (opozitës iraniane), një element ky që mund të kishte ndikuar në sulmin kibernetik bërë nga Irani Shqipërisë.
Në përgjigen e tij, Rama theksoi se “Ata kanë ardhur në Shqipëri për t’u strehuar, për tu marrë në mbrojtje për jetën e tyre, dhe operacioni në këndvështrimin tonë dhe në marrëveshjen që ne kemi, është një operacion i natyrës humanitare, nuk është një operacion për t’u dhënë mundësinë e një platform politike, për t’u dhënë mundësinë për të ndërtuar një proces lufte politike. Besoj që ka pasur aktivitete politike dhe ne e emi marrë në konsideratë arsyet edhe për të nërhyrë në këtë drejtim dhe kemi filluar një proces komunimiki me ta, që do të ketë një kornizë shumë të respektuar të një marrëveshjeje e cila në bazën e vet ka garantimin e jetës dhe jo sponsorizimin e lëvizjes së tyre opozitare. Ne kemi konsideruar më shumë kujdes të gjithë këto që po diskutojmë dhe patjetër që paralelisht do të rivenosim shumë qartë kornizën brenda së cilës duhet të zhvillohet gjithë jeta e brendshme e këtij grupi, në këtë territory të mbrojtur, ku e përsëris, Shqipëria ka ofruar mbështetje për t’u siguruar jetën dhe shëndetin, dhe jo për të sponsorizuar ndonjë lëvizje.
A ka gjasa që Shqipëria të kthehet në qendër të sulmeve terroriste nga Irani? Pyetjes së Fevziut Rama iu përgjigj se nuk kishte të dhëna, po se gjithësesi Irani, ishte një vend diabolik dhe i paparashikueshëm.
