Deri më tani ka qenë e pamundur të identifikohen të gjitha pasojat long-covid, ndaj shkencëtarët nga mbarë bota, kanë ndërmarrë një studim të përbashkët, në mënyrë që të kuptojnë sa më tepër mbi të.
Por çfarë është long-covidi? Termi long-covid përfshin një tërësi simptomash që karakterizojnë shëndetin e njerëzëve pas kalimit të covid-19, të cilët, edhe pse e kapërcejnë sëmundjen, vuajnë me muaj të tërë më pas, pasojat negative në shëndet.
Edhe pse long-covid është manifestuar më tepër tek të mbijetuarit prej formave të rënda të covid-19, sërish ai haset edhe tek persona që e kanë kaluar covid-in në forma më të lehta, madje pa u shtruar aspak në spital.
Në një studim të fundit, kryer mbi 47 mijë e 910 personave të prekur prej long-covid, janë renditur të tëra pasojat e dëshmuara deri më tani shkencërisht prej tij.
Në total janë identifikuar 55 pasoja, të cilat janë: ndjesia e lodhjes (në 58% të rasteve), dhimbje koke (në 44 % të rasteve), probleme me vëmendjen (në 27% të rasteve), rënie flokësh (në 25 % të rasteve), dispnea (në 24 % të rasteve) dhe humbje apo ndryshim të shijes e të nuhatjes (respektivisht në 23 dhe 21 %.)
Studiuesit ftojnë të tërë ata që kanë vuajtur apo vuajnë pasojat e long-covid, të marrin pjesë në studimin ndërkombëtar që po bëhet mbi të, duke klikuar në këtë link.
