Një ngjarje e rëndë është shënuar pasditen e sotme në Qafën e Muzinës, ku një 22 vjeçare, e cila udhëtonte së bashku me dy shoqet e veta me një fuoristradë “Land Rover”, është përplasur me një furgon me pasagjerë, duke e nxjerrë atë nga rruga dhe vërvitur në greminë.
Nga njoftimi i policisë mësohet se “si pasojë e aksidentit kanë humbur jetën drejtuesi i furgonit shtetasi B. P., pasagjerët F. K., 77 vjeç, banues në Tiranë, D. K., 72 vjeçe, banuese në Tiranë,
T. F., 48 vjeçe, banuese në Ukrainë dhe O. F., 53 vjeç, banues në Ukrahinë. Gjithashtu kanë mbetur të dëmtuara shtetaset G. D., 25 vjeçe, banuese në Tiranë (pasagjere në mjetin tip furgon), R. Ç.(drejtuese Land Rover), A. K., 23 vjeçe dhe G. P., 22 vjeçe, banuese në Itali(pasagjere në Land Rover)”.
Nga hetimi i derimëtanishëm i ngjarjes, mësohet se e reja me furistradë i ka prerë rrugën furgonit, shoferi i të cilit është munduar të shmangë përplasjen, duke përfunduar për fat të keq në greminë.
Ndërkohë, sipas informacioneve të medieve në vend, 4 të rejat e plagosura (njëra prej të cilave pasagjere në furgon), gjenden në spitalin e Gjirokastrës jashtë rrezikut për jetën.
