Është dukur në fillim e pabesueshme, por me gjasa ka qenë i vërtetë lajmi që ka qarkulluar dje në një pjesë të mirë të medieve onlajn, ku thuhej se refugjatët afganë që do të vinin, do të strehoheshin në godinat e qytetit studentit.
Një video e publikuar nga televizioni Fax News, dëshmon se lajmi nuk është aspak fals, e se godinat e Qytetit Studenti po bëhen vërtet gati për të pritur refugjatët afganë.
Në bisedën e regjistruar nga gazetarja e Fax Neës, dëgjohet qartë kujdestarja e godinës 8 (ku po zhvillohet bashkëbisedimi), që thotë se tek godinat 7-8 do strehohen refugjatët afganë, ndërsa studentët të shkojnë e të strehohen në godinat e tjera.
Nga sa kuptohet prej bisedës, qeveria shqiptare së bashku me Bashkinë e Tiranës, kanë ndërmend ta kthejnë Qytetin Studenti në një kamp refugjatësh, ku mes të ardhurëve nga rrethet që duan të studiojnë dhe të ndjekin studimet e larta (me gjasa intelektualët e ardhshëm të vendit), të rrojnë (qoftë edhe përkohësisht) edhe refugjatët afganë.
Nuk dihet ende se ç’do strehohen në ato godina, burra apo gra. Historikisht godina 8 në Qytetin Studenti ka qenë godinë vajzash dhe gjendet sa hyn në të nga ana e Ambasadës Amerikane.
Pjesë nga biseda:
Gazetarja: Si jeni? Desha të pyes për një person të afërt që do të akomodohet në konvikt.
Kujdestarja: Po do shkosh te drejtoria shpirt, ato të japin informacione.
Gazetarja: Shkova po më thanë që do strehohen këto afganët.
Kujdestarja: Po te 7-8-a po! Neve po heqim dhe këto që kemi.
Gazetarja: Jeni duke heq dhe studentët që kanë qenë?
Kujdestarja: Po te 8-a të gjithë do dalin dhe do vijnë ata.
Gazetarja: Sa kohë do rrinë ato?
Kujdestarja: Po ku e dimë ne!
Studentja: Po për student a mendoni ju?
Kujdestarja: Doshkojnë në godina të tjera.
Gazetarja: Si do ja bëni?
Studentja: Po ja tani e mora vesh, papritur më thotë një pastruese mua të dal jashtë.
Kujdestarja: Sot e morem vesh dhe ne!
Studentja: Po të ma kishit thënë në mëngjes mua, jo para 5 minutash.
Kujdestarja: Neve sot na e kanë dhënë njoftimi, po sot do u kërkojmë të largohen. Nëse s’ke mundësi e bën nesër, do i çojnë në godina tjera.
Gazetarja: Po halli i studentëve, ku do shkojnë?
Kujdestarja: O goce, po shko në godinë tjetër, shko ke 5-a.
Gazetarja: Të gjitha godinat do t’i zenë ato?
Kujdestarja: Jo, për momentin do rrinë në godinën tonë. Studentët do strehohen tek godinat e tjera.
