U ka bërë thirrje komisionerëve të mos e ndryshojnë vullnetin e shqiptarëve për ndryshim, Alfred Rrushaj i Partisë Demokratike. Në daljen përpara mediave në mbrëmje, ai tha se në vijim procesi i numërimit do të kishte surpriza të pakëndshme për kundërshtarin, si dhe u bëri thirrije komisionerëve të mos e tjetërsonin vullnetin e qytetarëve për ndryshim.
Siç ju kemi thënë që në fillim, tha Rrushaj, numërimi i çdo vote do të konfirmojë vullnetin e shqiptarëve për ndryshim. Sot pamë konkretisht se si dy vende u rikuperuan, vende deputetësh. Vazhdimi i numërimit do të ketë të tjera surpriza të pakëndshme për kundërshtarët tanë. Prandaj jam këtu sot, për t’i bërë thirrje çdo komisioneri, çdo vëzhguesi, çdo numëruesi të cilësdo parti, mos tjetërsoni vullnetin e qytetarëve shqiptarë për ndryshim. Ata kanë votuar për ndryshimin ata presin ndryshimin dhe ne do t’ua sjellim, tha Rrushaj.
