Pas incidentit të heqjes së posterit të LSI-së në Fier, presidenti Ilir Meta ka dhënë një konferencë të jashtëzakonshme për shtyp, e po ashtu edhe një intervistë nga Fieri, prej nga i bëri thirrje Kejdi Mehmetajt t’i drejtohet më mirë Ruçit për të zgjidhur problemin që kishte, se sa kreut të bashkisë Fier, që sipas tij do përfundonte në burg.
Hiqni banderolat, se nuk është ky problemi më i madh që ka Fieri, tha Meta në daljen e tij nga Presidenca. Nuk është ky problemi më i madh. I di Fieri të gjitha historitë e kryebashkiakut dhe të rilindasve të tjerë… I thuaj Ruçit i hoqëm banderolat nga godinat e LSI që i kishin marrë me qira, që të mos shqetësoheshin rilidasit, po na ka thënë presidenti që të të bëni gati ca postera të kryerilindasit, se do vete vetë t’ia vë në Fier, që të kënaqet ai e shtohet më tepër urrejtja për këtë propagandor të ndryrë, që do të prishë zgjedhjet ditën e dielë. Ky është problem Kejdi, nuk janë banderolat, as të LSI e as të askujt tjetër.
Qëllimi i kryerilindasit ky është, të krijojë incidente artificiale, ka vazhduar më pas Meta nga Fieri. Kanë hequr banderolat dhe kanë refuzuar të diskutojnë për orë të tëra me përfaqësuesit e LSI-sw. Kjo tregon tendencën për të krijuar incidente të kota. U kam sugjeruar përfaqësuesëve të LSI-sw që të komunikojnë më Ruçin, si më i pjekur që është, e madje u kam thënë, meqë do bëjë kryerilindasi miting në Fier, po të jetë e nevojshme, le t’i heqin banderolat e tyre e të vënë ato të rilindjes falas, derisa të mbarojë ky manifestim, se është e nevojshme të shmangim cdo incident të panevojshëm, që iniciohen gjithnjë nga rilindja, pasi oblejtivi kryesor, dihet, është mbarëvajtja maksimale e datës 25 prill dhe, ajo që është më e rëndësishme, është që të mos preket asnjë votë jo në Fier, po në gjithë Republikën e Shqipërisë.
