Nuk do të ketë një rikthim të karantinës në fundjavë, siç edhe u përfol. Komiteti Teknik të Ekspertëve, në mbledhjen e sapombajtur, la në fuqi po të njëjtat masa të dy javëve më parë, atë të fillimit orës policore në orën 20.00, mësimin onlajn nëpër shkollat e mesme në qytetet me risk të lartë transmetimi, si dhe dhënien e provimeve onlajn për universitetet, hiq ato ku është e pamundur një gjë e tillë.
Sipas të dhënave të këtij Komiteti, masat e marra kanë sjellë një ulje të lehtë të shifrave, tendenca e të cilave do të shihet në vijim.
Sipas drejtoreshës së ISHP-së, Delina Fico, problem mbeten ende infektimet në masë dhe problematikat në moshat e reja, të cilat paraqesin në këtë periudhë një shtim të rasteve. Pavarësisht vaksimit që po procedon, theksoi ajo, mbetemi ende në një transmetim komuntar të gjerë, ku 79% të rasteve janë të grupmoshave nga 15 deri në 65 vjec.
Sipas kreut të Urgjencës Kombëtare, listën e qyteteve më të prekura e kryeson Tirana, e pasuar prej Fierit, Durrësit, Elbasanit,, Shkodrës e me radhë.
