U nda më dysh opinioni shqiptar për doktorin e arrestuar. Ca thonë “mirë iu bë” ca thonë “keq”.
Ata që thonë “mirë” sjellin përvoja të hidhura nga mjekët. Rrjepje e zhvatje lekësh e shpesh edhe pa dobi për të sëmurin. Ata që u vjen gjynah na sjellin të paktën dy argumenta: 1. Ishte më i miri. 2. “Pse ky ishte i vetmi”?
Edhe pse nuk e njoh mjekun në fjalë edhe pse më vjen keq që i ndodhi kjo fatkeqësi them se E MERITON!
Por më shumë e meritoni ju të gjithë që përpiqeni të justifikoni qoftë edhe një grimë lekun e paligjshëm të fituar nga kushdoqoftë! Ju jeni gjylja në këmbët e këtij vendi! Ju jeni që mallkoni politikanët e korruptuar, gjykatësit e korruptuar, policët e korruptuar. Ama po t’ju jepet rasti, ( a nëse ju është dhënë ) me justifikimin: “si t’gjith’ ..”, “mi dha vet’..”, ” pse re, un’ do ta rregulloj botën e?”, ” nuk na del rroga”.., “kam fëmijë për të rritur “… e ça të duash ti, nuk ia përtojnë “kafes”. Kafe – i ka ngelur emri edhe kur është çantë me fletë jeshile dollarësh.
Kthehem tek bluza e bardhë. Tek kali që u kap e do shijë lëmin.
Po doktor! Je i korruptuar vëlla!! Kur ta shk…dheu sistemin shëndetësor politika, ti vazhdove të jeshë pjesë e tij. Ke parë punën tënde, po siç duket sot dikujt ia ke shkelur kallon. E ai dikush të ka kollaj, se ti JE PJESË E SISTEMIT TË NDYTË!!
Natyrisht, nuk je i vetmi. ” Si t’gjith”!
Si të gjithë edhe ti ke halle e familje dhe ne, që i jemi dorëzuar sistemit të korrupsionit, vijmë me “kafen jeshile” vetvetiu. Se je më i miri!! Po ti kishe vënë një tarifë zyrtare vetes, po të kishe hapur një klinikë tënden, unë sonte do qëndroja nën dëborë duke protestuar para qelisë tënde. Për të të liruar. Por ti je pjesë e sistemit të korruptuar shoqëror – ekonomik – politik shqiptar, doktor! Siç janë edhe ata që thonë ” është më i miri”, apo ” si të gjithë”. Edhe Tirja për një jetë më të mirë luftoi. Edhe Tiren, ne të nënshtruarit ndaj sistemit totalisht të korruptuar e prodhuam. Si atë gjyqtaren në Krujë, si atë që merr 20 milion euro për 1 km rrugë, si atë që betonizoi çdo metër katror Tiranë.
Ty të qoftë e lehtë qelia e dalsh sa më shpejt doktor!! Se edhe ajo që të ndodhi, unë besoj se teatër korrupsioni i sistemit të korruptuar është: së pari, pas kaq skandaleve me shëndetësinë duhet një show me arrestime. Së dyti….shih kush do të ta zerë vendin doktor
..Pra unë nuk e kam me ty, por me KËTA!! Kushdo që mbron paratë që të gjetën me shuka është një Tire o që ende s’është kapur o ende s’i është dhënë mundësia! Kjo Tirnajë ka prodhuar këtë mutnajë politike e drejtësie, ka prodhuar “kafen jeshile” dhe që thjesht vuan se përse hajdutët më të mëdhenj s’e lenë të vjedhë si ata.
