Deputeti i PD-së Gazment Bardhi ka publikuar në fejsbukun e tij një foto tërë drejtorat dhe stafi i ngushtë i Belinda Ballukut, ministres së MIE-s, aktualisht e pezulluar nga detyra nga detyra prej SPAK-ut, për hir të korrupsionit në tendera në tunelin e Llogarasë dhe lotin 4 të Unazës së madhe.
“Banda e hajdutëve të Belinda Ballukut mblidhej rregullisht në strofullën e krimit “Apartamenti 6, Shkalla H, Kompleksi Nobis”, ku ndaheshin tenderat korruptivë të Ministrisë së Infrastrukturës dhe Energjisë”, shkruan Bardhi. “Banda “2B” funksiononte taman si një grup i struktuar kriminal për vjedhjen masive të parave të shqiptarëve me tendera qindra milionë euro të paracaktuar për të shpërblyer klientët e tyre dhe përfituar përqindjet korruptive. Të njëjtat para përdoreshin më pas në fushatë zgjedhor ose në harbime luksi. Një pjesë e bandës 2B tashmë ndodhet në burg, ndërsa shumë shpejt pritet t’i bashkohet edhe pjesa tjetër.”
Nuk dihet nëse SPAK do t’i marrë të pandehur edhe drejtorat në fjalë, bashkëpunëtorë të ngushtë të ministres së MIE-s. Ajo që dihet është se askush i vetëm nuk e ka mundësinë të bëjë apo shkaktojë aq dëme sa citon SPAK.
