Avokatja e të drejtave të njeriut Amal Clooney ndodhet mes një grupi avokatësh britanikë paralajmëruar nga Ministria e Jashtme Britanike, për një hakmarrje të mundshme nga administrata Trump, pasi këshilloi Gjykatën Penale Ndërkombëtare për Gazën kundër kryeministrit izraelit.
Ndalimi i hyrjes në SHBA.
Për shtetasen britaniko-libaneze Amal Alamuddin, 47 vjeç, avokate e të drejtave të njeriut në “Doughty Street Chambers” në Londër, e po ashtu edhe bashkëshortja e aktorit George Clooney, aktivizmi i saj mund të ketë një kosto. Ministria e Jashtme Britanike paralajmëroi atë dhe avokatë të tjerë britanikë, që ndihmuan në sigurimin e urdhrit të arrestit ndaj Benjamin Netanyahut prej Gjykatës Penale Ndërkombëtare, për krime lufte dhe krime kundër njerëzimit, “të kryera midis 8 tetorit 2023 dhe 20 majit 2024, ditën kur u ngritën akuzat”.
Amal Clooney, e cila ka punuar më parë në një numër çështjesh të profilit të lartë që përfshijnë ligjin ndërkombëtar, mund të përballet edhe me sanksione të mëtejshme nga administrata Trump, duke përfshirë ngrirjen e llogarive të saj bankare. Kjo, sepe ajo ishte një konsulente speciale në hetimet për krimet e dyshuara të luftës në Izrael dhe Gaza, duke i kërkuar Gjykatës Penale Ndërkombëtare arrestimin e liderëve të Izraelit dhe Hamasit (e cila fillimisht e pranoi kërkesën e saj e më pas lëshoi urdhrin).
Mes profesionistëve të së drejtës ndërkombëtare paralajmëruar nga Zyra e Jashtme Britanike për sanksione të mundshme të SHBA-së, për punën e tyre kundër Netanyahut, janë ish-gjyqtari Adrian Fulford, deputetja laburiste, baronesha Helena Kennedy dhe avokati Danny Friedman i Matrix Chambers.
Roli i Amal Clooney në Gjykatën Penale Ndërkombëtare
Sidoqoftë, pozicioni i Amal Clooney-t ka tërhequr vëmendjen politike dhe mediatike. Në një deklaratë lëshuar prej Fondacionit tw saj “Clooney për Drejtësi”, pas urdhrit të arrestit të ICC-së ndaj Netanyahut dhe falënderimeve të Hagës për përpjekjet e saj, avokatja shpjegoi se si ishte përfshirë në çështjen për krime të dyshuara lufte dhe krime kundër njerëzimit (jo vetëm kundër Netanyahut, por edhe kundër ish-ministrit të tij të mbrojtjes, Yoav Gallant etj.)
E kritikuar fillimisht në rrjetet sociale se nuk kishte folur publikisht për luftën në Gaza, ajo jepte arsyet për pranimin e ftesës së gjykatës së Hagës për të dhënë këshilla për këtë çështje. “Unë iu bashkova këtij grupi sepse besoj në sundimin e ligjit dhe nevojën për të mbrojtur jetët e civilëve. Ligji që mbron civilët në luftë, është zhvilluar më shumë se 100 vjet më parë dhe zbatohet në çdo vend të botës, pavarësisht nga arsyet e konfliktit.”
“Si avokate e të drejtave të njeriut,” sqaron ajo, “unë kurrë nuk do të pranoj që jeta e një fëmije të jetë më pak e vlefshme se e një tjetri. Nuk pranoj që një konflikt të jetë përtej ligjit, as që një autor të jetë mbi ligjin. Prandaj, unë mbështes hapin historik të ndërmarrë nga Prokurori i Gjykatës Ndërkombëtare Penale, për të sjellë drejtësi për viktimat e mizorive në Izrael dhe Palestinë.”
Më pas ajo komentoi edhe vendimin përfundimtar të GJNP-së, duke thënë se qe “Një moment historik në historinë e së drejtës penale ndërkombëtare. Vetëm një hap i parë, por ne shpresojmë që prokurori të vazhdojë të kryejë hetimet e duhura, në lidhje me dëmin e madh të pësuar nga civilët pas bombardimeve në Gaza dhe dëshmitë e dhunës seksuale të kryer ndaj izraelitëve më 7 tetor”.
