“Me Trumpin nuk ka nevojë të lypim, por Evropa duhet të bjerë dakord për një strategji të përbashkët, sa më shpejt të jetë e mundur, dhe të zhvillojë forcën dhe pavarësinë e saj”, tha Friederich Merz, kancelari i ri i Gjermanisë. “Gjermania do të ketë përsëri një zë të fortë në Evropë dhe e gjithë kjo duhet bërë shpejt”, ka deklaruar kancelari i ardhshëm , sepse bota po ecën me shpejtësi”.
Gjashtëdhjetë e nëntë vjeç, Merz nuk ka mbajtur kurrë poste administrative. Ai nuk ka qenë as ministër, e as guvernator dhe përvoja e tij është thjesht ajo e një parlamentari.
Anëtar i të rinjve demokristianë, ai ika qenë deputet i Parlamentit Evropian nga viti 1989 deri në 1994, duke hyrë shpejt në Bundestag, e duke u bërë udhëheqës i grupit të CDU-së, nga viti 2000 deri në 2002, deri në përplasjen e tij me Angela Merkelin, e cila e nxori në qoshe.
Kështu ai e braktis skenën politike dhe bëhet avokat biznesi në Shtetet e Bashkuara e më gjerë.
Në vitin 2021, futet sërish në parlament dhe një vit më pas zgjidhet në krye të CDU-së.
Katolik, i martuar me Charlotte-n, ka tre fëmijë. Shfaqet gjithnjë konservator, edhe për çështjet e emigracionit.
Ka qenë kundërshtari historik, gjithmonë i mundur, i “Mutte” Merkelit, e cila në autobiografinë e saj sigurisht nuk e lavdëron.
Gjatë fushatës zgjedhore, Merz premtoi një goditje ndaj emigrantëve – duke u përpjekur të frenojë pozicionet e AFD-së – dhe ringritjen e ekonomisë gjermane, e cila po tregon shenja të një krize serioze.
Ndër premtimet e bëra prej tij, është gjithashtu edhe ajo për të mos bashkëpunuar apo kërkuar aleanca me Alice Weidel.
