Vila aq e përfolur e Enverit, Vila 31, do të shndërrohet në një rezidencë artistike. Lajmin e kanë bërë të ditur ministri Blendi Gonxhe dhe kryeministri Edi Rama. Sipas Ramës, tashmë kjo vilë është shndërruar tashmë falë punës së arkitektëve në një vepër artistike dhe kjo është një mundësi e jashtëzakonshme për artistët e rinj vendas dhe nga bota.
“Ky partneritet u përmbush një një kohë rekord”, tha Rama mes të tjerave, “dhe ajo që mund të them, është që, puna e bërë është realisht e jashtëzakonshme. Unë e kam parë godinën edhe më përpara në gjendjen që ishte, dhe pavarësisht se ideja ishte që projekti të ishte që arkitetët të ishin të padukshëm, ishte e lehtë ta thoje, por jo ta bëje, dhe është një realitet spektakolar, ku çdo element që është futur i ri, në çdo pozicion të pikturave të vjetra, është absolutisht një vepër arti. Jam i bindur që kur të kaloni nëpër të, do ta ndjeni dhe do ta shikoni. Po s’e ndjetë, duhet të shkoni të vizitoheni se ku e keni problemin. Dhe fundit që kam, është mundësia e jashtëzakonshme që krijohet për artistët e rinj, nga rajoni nga e gjithë bota, për t’u takuar së bashku në një hapësirë ku secili ka pavarësinë e vet, po ku të gjithë bashkë kanë edhe hapësirën e përbashkët” tha Rama.
“Gjëja më e duhur ishte kjo që u bë”, vijoi Rama, “që kjo hapësirë të përdorej për gjërat që Enver Hoxha do t’i më shumë tmerr. Kjo ka qenë në mendjen tonë, që cfarë do qoftë do bëjmë aty, të ishte një gjë që Enver Hoxha të rrotullohej në varr nga sikleti, deri në një pendesë ekstreme, se pse e mora aty e pse jetova aty, që ata po bëjnë këtë lloj gjëje”, sqaroi Rama.
