Sapo është ndarë nga jeta në moshên 100 vjeçare, ish-presidenti i SHBA-ve Jimmy Carter.
I zgjedhur në Shtëpinë e Bardhë për një mandat të vetëm, nga viti 1977 deri në vitin 1981, presidenca e tij u shënua nga dy ngjarje të rëndësishme. E para, marrëveshja e Camp David, e vitit 1978 midis Egjiptit dhe Izraelit. Dhe e dyta, që kontribuoi edhe në humbjen e tij në garën për mandatin e dytë, kriza e pengjeve amerikane në Iran.
Pasi u mund nga republikani Ronald Reagan në zgjedhjet presidenciale, Carter iu përkushtua krijimit dhe mbështetjes së Qendrës së vet Carter.
E themeluar në vitin 1982, është një qendër aktive për kujdesin shëndetësor, demokracinë dhe çështje të tjera aktuale në Shtetet e Bashkuara, një angazhim që i dha atij Çmimin Nobel për Paqe në vitin 2002
