Biblioteka Kombëtare ka njoftuar pak më parë mbylljen për hir të dëmtimeve nga protesta. Në njoftimin e saj, ajo sqaron se: Për shkak të dëmeve të shkaktuara gjatë protestës së ditës së djeshme, 10 dhjetor 2020, thuhet në njoftimin e saj, Biblioteka Kombëtare e Shqipërisë do të mbyllet përkohësisht, deri në një njoftim të dytë. Ju bëjmë me dije se është ngritur Grupi i Emergjencës për të marrë masat e menjëhershme për riparimin e dëmeve të shkaktuara dhe rikthimin në normalitet.
Ju falënderojmë për mirëkuptimin!
Sipas njerëzve në terren, të dëmtuara nga protesta janë hyrja kryesore e Bibliotekës Kombëtare dhe mjaft nga xhamat e dritareve.
