Një pedofil që synonte të mitur në internet në mbarë botën, është dënuar me burgim të përjetshëm nga Gjykata e Kurorës në Belfast, Irlandë, me një minimum prej 20 vitesh pas hekurave, përpara se të aplikojë për lirim me kusht.
26-vjeçari Alexander McCartney, nga Newry në Irlandën e Veriut, në veprimtarinë e tij kriminale sistematike, shpuri në vetëvrasje një nga shtatëdhjetë viktimat e tij të identifikuara: një vajzë 12-vjeçare, që jetonte në Shtetet e Bashkuara, shto edhe që babai i së resë kishte vrarë veten 18 muaj më vonë.
I fajshëm për 185 akuza, ai kishte synuar 3500 të mitur. Sipas policisë, pedofili serial, i cili u deklarua fajtor për 185 akuza, vuri në shënjestër mbi 3500 të mitur, duke përdorur identitete të rreme në internet – përmes të ashtuquajturit “catfishing” – dhe deri në 64 pajisje të ndryshme IT.
Nga pas ekranit të një kompjuteri, tableti dhe smartphone në shtëpinë e tij në Irlandën e Veriut, ai nxiti frikë dhe vuajtje në jetën e mijëra familjeve në Evropë dhe Amerikë.
Mediat sociale të përdorura
Ai iu afrua shumicës dërrmuese të të miturve në Snapchat, edhe pse në një numër të kufizuar rastesh ai përdorte edhe mediat sociale, duke përfshirë Instagramin dhe Kik-un. Disa herë gjatë aktivitetit të tij kriminal midis 2013 dhe 2019, ai përdorte foto që i kishte marrë nga disa vajza të reja, dhe pretendonte se ishte njëra prej tyre kur fliste me viktima të reja.
