E ndoqën nga pas sapo hyri në kufi në Morinë dhe u ndalua te Kthesa e Kamzës, agjentët e BKH dhe policia “u maskuan” me dy makina modeste.
Zbulohen detaje të reja për arrestimin e Presidentit të Partisë së Lirisë Ilir Meta.
Gazetari Igli Çelmeta raporton se agjentët e Byrosë Kombëtare të Hetimit dhe efektivët e policisë që kanë marrë pjesë në operacion kanë qenë me dy makina modeste, një prej tyre “Golf” për të fshehur praninë e tyre dhe e kanë ndjekur prej kufirit në Morinë sapo ka hyrë nga Kosova për t’i vënë prangat më pas te Kthesa e Kamzës.
Në pamjet e siguruara shihet se njëri automjet i policisë ka qëndruar para dhe njëri pas. Meta është nxjerrë me forcë nga makina me të cilën po udhëtonte dhe është futur në makinën e policisë.
Mësohet se brenda ambienteve të Drejtorisë së Policisë Tiranë Meta është shfaqur i alarmuar duke debatuar.